السلام عليكم،،شخباركم بنات

بنات أنا نفسيتي جداً سيئة ومنغثه ونفسي منسدهه ع الدراسه


هذا ثاني كورس لي بالجامعه وأنا بنت شاطره وهاديه


طووولت عليكم بالكلام بس شسوي انا سجلت بالمنتدئ مخصوص


عشان سالفهه صارت لي مع دكتور سألته عن الامتحان وكانوا البنات سالينه قبلي


بس انا مافهمت عليه وكان ودي افهم بس مو قصدي استعبط والله بس سألته هب


بوجهي خرعني عقد يصارخ أنتي غبيه شلون وصلتي للجامعه الله يعينج ع نفسج


وأنا وجهي احممممر وخانقتني العبره شلون دكتور يتعامل ويرجح جذي حتئ


لو كنت غلطانه والبنات زادوهاطبعا مو الكل البعض من زفني قعدوا يضحكون ويبتسمون بنات هالموقف مأثر فيني حيل موشويه ومو مستانسه بالعطله طبعا يمكن البعض يشوف سالفتي عاديه لكن والله حيل مضايقه وراسي مافيه الا هالسالفه طبعا انا بكليه الشريعة ما كان ودي أقول بس أكيد عرفتوه