صبـــاح / مســــاء الورد
°°
°°
الدمعه
إللي ما رضت تشكي الوله لعيـونه
طاحت
على خد الخفا تشكي انكسار عيوني
و الليله
إللي عيَّت اتخاوي الفجر من دونه
نامت
على باب انتظاره .. و ارحلت من دوني
كان الفجر
أصلاً .. فقير .. و ليلته مديـونه
و الصبح تاجر..
ما رضت شمسه تســد ديوني
تاجر غبي
حتى عصافير الغصون اتخونه
تهجر
دفى عشه نهار و ترتمي بغصوني
°°
°°
عرفت اني حكيمه يوم .. رفضت استسلم لحبك؟
لأنك جاهل و طايش..تبي قلبٍ و تلعب به
و انا قلبي محال إنَّــه يصير ألعوبه ..( لقـلبك )
يهينه لا بغى يزعل .. و لا راق الزعل حبَّه
°°
°°
اختبرتك .. و النتيجه
ماخذ الصـفر ابجــداره
ألف مبروك لسقوطك
حطم الرقم القياسـي
فعلاً اذهلت المشاعر
ياخي كل هذي شطارة؟
يالله عقبال انكسارك
خلَّص الفصل الدراسي
°°
°°
الحرّ قيل إنَّه .. تكفيه تأشيره
و الخبل تشِّر له .. يمدد لك لسانه
البدر ما زاده ع الشمس تذكيره
والأنثى يكفيها .. كون إنها إنسانه
طيب وش الطاري ****وش لك بهالسيرة
مدري.. ولكني .. من أمس طربانه
°°
°°
لا و الذي شال .. السما .. ماني ( بشنب ) يا خيَّه
يا خلق .. وشفيكم .. ترى .. واللهِ جنـنـتـووووني
بنت اشحلاتي .. شاطره .. و اغرق في شبرة ميه
و إلا عشــان اسلوبــي المرجــوج .. ذكـّـرتونـــي !!
°°
°°
حسمت المسأله
و الحين ابصدر لك قراراتي
و هي حاصل تشاورنا
بعد تكرار غلطاتـك
انا و اجروحي و قلبي
تعاهدنا على الآتي
نحب حتى الغلط منك
لأنــَّه جزء من ذاتك !!
°°
°°
هذا المسا بارد .. .. .. .. و للحيـن ما بـان
هاك الـذي دفـــى غرامـــه سـنيــنـي
مدري تغلـي ؟ مدري الزين زعـلان ؟
طال المســا .. .. .. .. و البرد أرهـق حنينـي
عمرالمحبه .. ما غدت هم و احزان
مير البشــر تهوى الحـزن يا ضنيني
هـذا يخــون .. .. .. .. و ذاكْ سافـــر و لا بـان
كـلــن يعــذب صاحبـه .. كـل حيــنـي
°°
°°
أبســــــألك
لــــــيه الجفــــاف
احيــــان يقتـــــلني معــــك ؟
رغــــم انـــك .. ادفـــــى غيمـــــةٍ مــــرت بقلـــــبي .. و امطــــــرت
°°
°°
فــــاهمٍ قصــــدي
و عــــارف قـــدره و شــــايف غـــــلاتــه
مــو ذكـــى منــَّه
و لـــكن كـــل مـا فيــــني اعتـــــرف
يــا حـــلاتـــه
لا فهمـــني ثـــم تغيشـــم يــا حــلاتــه
و الله يــاإنــه تــغيـــشــم ..
لـــين حسســــني بقــــرف
°°
°°
ياماكلوا من لحمي المر و عثوا في سيرتي
و اتلاعبوا بحزني و انا ما غير اطنشهــم .. قرف
قالوا لعوبٍ .. طايشة .. خبلة و انا من حيرتي
لا جيت أفلفلهم كذا : أضحكو اقول إليَ الشرف
°°
°°
إن كــــنت أنـــا فــي عيونـــك بــنــت( ملحـــوســه )
فـ انت بعيـــوني سخــيفٍ ميِّـــت احســـاســه
بسّــك .. تـــرى لــي زمــان ٍ منــك مفــــروســه
حسّــك ترانــي بـــعد أنثــى .... و حســـاسـه
°°
°°
تخدع ابن آدم.. ..لطافة بنت حوا
لين يشعر بـ إنـّ .. .. َـه احسن منـَّها
ينتفخ .. ثم ايتفـ .. .. ـاخر .. وايتقوى
ما درى بـ إن .. ..التلاعب فنـَّها
°°
°°
يا هَـنا اللي ما تعــــذّب بالدراســة يوووووم
و يا شقى اللي من عرف نفسه و هو يدرس
كل ما جيت امســـك الدفتر .... غلبني النــوم
و غصــب عن عيني أقاوم .. لذته واجلــس
°°
°°
عرف يعزف على ضعفي ..
بحرعكـْـر و تصيَّـد فيه
و لكني عرفـــت أكسِـــــــر
مجاديفــــه وارَخـِّـــيها
يقلي : دمعـك إللي طـــاح
ساعـــة فرقتـــي ماااابيه
و اقله : أصلاً عيــــون ٍ
بكـت فرقتــــك ما بيــها !!
°°
°°
أشقر / نبيذي / كستنائـي / وسيكــلام
خرنوبي / أحمر / بني / و حتى فوشـي
مية طعش ( صبغه ) بشعرك من العام
حوشي الأناقه يأ ام الالوان حوووشي
°°
°°
تبعد كذا و تروح
الله و بعد زعلان
ماترحم المجروح
تعبتني يا فلان
تعبتني والله
منك اشتكي لله
يا فاره الطله
خلك تراه انسان
خلك يحبك زود
ما لإبتعادك فود
يا نبض قلبه عود
يكفي القلوب جنان !!
°°
°°
كل ما يدخل ( أبوي ) لغرفـــتي يطــلب جديـدي
يا دفـــى صوته ليا اتبسّــم و قلي :سمِّـعيــني
يقعد يناظـــر خرابــيشي و أنا اخفيــها بإيـــدي
و آتضيحك لا سألني : ما كتبتي شي فيني؟!
ما درى بانـْـه الوحيد اللي عجز بأمره قصيدي
لنه اكبر من غباي .. و من سخافة ملهميني !
°°
°°
ابك الولد رومنصي .. طاح و لحدش سمّى
حظه عشق له بنتٍ ماااااهيب رومنصيه !!
بنت ابشنب يا ( عيني ) حاست علومه لما
طيش انفعاله زوَّد رقة حَـكِــيه ..... اشويه
ابك الولد ذا حبـيـِّب و الحب .. ما يتسمَّـى
خلَّى حليل و طيّب .. يتولَّع .......ابـ جنيه !!
°°
°°
الغرام اللي بنيته من خيال
طاح من طوله .. و لا طال اصبعي
من متى احلف لك بأن وصلي محال
و انته تحلف لي : مصيرك تخضعي
شف من الآخر كذا يا ابن الحلااااال
لا تغلِّبني .. و تتغلب مَعي !!
°°
°°
ودعتك الله .. ما بقى للحكي فم
مات الجواب ..و ما درى بهسؤاله
أحدن مَعّه خلّه .. و احدن مع الهم
و أحدن يصارع غربته مع خياله
°°
°°
°° أتمنى يعجبكم °°
°° منقول °°
رد مع اقتباس
[/align]
