[poem=font="Simplified Arabic,6,darkblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
ياشعر قلّطها دلالك صاحبك قاطع طريق
=خلّه يتقهوى لو همومه بالقصايد تخنقه
أي والله انّك يالشعر مانته عدوّ ولا صديق
=يوم اذكرك ذكّرتني بالليله (المتعسبقه)
الليله اللي شلّت الفرحه وضوّت الف ضيق
=يوم انهدم قصر الامانه وانشرخ صرح الثّقه
ما خلّفت ياغير همٍ ابلعه مع كل ريق
=يوم المآسي عزّمت (تدغش) وبابي تطرقه
ومرحوم ياعهدٍ تهاوى من وسط صدر العشيق
=مثل الدموع ليا تهاوت من عيونٍ تدفقه
مثل الحلوم المفجعه من شافها مفجع يفيق
=آترجم اضغاث الحلوم الكاذبه لا الصادقه
خاويت ليلٍ اسهره والليل للعاشق رفيق
=يجبر خواطر ناس صارت من ضحايا التفرقه
آراءنا متضاربه في الحب لي جمّه عميق
=لين اتّضح امرٍ جلي اذوى غصونٍ مورقه
وانا اشهد انّي يوم سقت خطاي لي عزمٍ وثيق
=اطمح واحب المستحيل ولو حدوده مغلقه
وما دامها جتني كذا بردّ والصابر يطيق
=مالي بحبٍ في قلوبٍ واهيه ومنافقه
وياشعر يوم انّي زهمتك من ورا ذاك الطريق
=ابغيك تدري بانّني غيّرت عاده مسبقه[/poem]
رد مع اقتباس
-new.gif)
