[align=center]مسجات بسيطة اتمنى ان ترتقي الى ذائقتكم
من ليلـة البـارح وحابسنـي الضيـق * عسى صباح اليـوم يطلـق سراحـي
.
وعادت لي الضيقه على فكّـة الريـق * الله يهوّنـهـا ويسـعـد صـبـاحـي
.
لا قمت أدرّجها على قـد مـا اطيـق * تغانمتنـي مـن جمـيـع النـواحـي
.
بينـي وبيـن الغرغـره والتشاهـيـق * أرمـاش عيـن وجلسـة ٍ وإنسداحـي
يالهنوف اللي تمسكنتي ومكنتـي * لين مشـّـيتي المحبه مـع وريدي
في خفوق ٍ ما سكن به غيرك انتي * ياهوى العشـّـاق يا عنق الفريدي
لك غلا " من يوم ما جيتي وسكنتي * لا يزعزعه الـــــــزمان ولا يبيـــدي
باقي ٍ من حيث ما رحتي وكــنتي * ويتجدد لك مع الـــــــوقت ويزيــــدي
ولا تمايلتي .. وحنيتي .. ولنتـي * حن معك ولان ابو قلب ٍ حــديدي ..
يا ويلي منك ما شاء الله عليك ويا عليك إسلـوب * يزعزع سطوة الساطي ويخلف هقوة الهاقي
تراسلني ولامنّـي قريـت الخـط والمكتـوب * تحدّر دمعي وجرّح خدودي وأحرق أوراقـي
تذكرت الكلام اللي علـى راس اللسـان يـذوب * تمر الكلمـه ويبقـى صداهـا داخـل أعماقـي
بغيت اسلا واقفّي عن دروب اهل الهوى وآتـوب * وأكفر عن ذنوبـي وآتلاحـق عمـري الباقـي
لكنك جيت في دربي ولحقت الذنـوب ذنـوب * وأظنك بتحداني للهـلاك وتقطـع ارزاقـي
انا وشلون؟ والا كيف؟؟ اروح بصوب وأنت بصوب * عقب ما حـن رعـادي عليـك ولاح براقـي
انا(في ذمتك)و(ادخل عليك)و(طالبك مطلوب) * لاعاد تجيب لي ذكرى الفراق وتطري فراقي
عقب ماجبت لي ذكرى الفراق وخاطري منكـوب * تعكر جوّي وضاقت عليّ وشانـت أخلاقـي
مع إني والله إني خابر ٍ عقب الشـروق غـروب * وهـذي سنـة الله سنّهـا فـي كـل الآفاقـي
الا يا بهجة الخاطر سلامات وخطاك السو * تريـّح واسترح فأقصى الخفووق وحرّك غصونه
يمر الوقت ويدور الزمان وصاحبك هو هو * على عهد الغلا يـدرَى على معناه ويصووونه
عرفتك من زمان ولا بليت بــحبك الاّ تو * لو انــي ما عرفتك ما عـرفت الحب وشلوووونه
تمخطر يا هوى بالي ونفـّـذ ما تريد وسَو * فـــداك .. ولا عـليك من الكلاااام اللي يقولوونه
ياسكرة ٍ فيها دواي .. وداي .. ياطب القلووب * يا مبتدى رحلة عذاب الولف يا مسك الختااام
يا مبسم ٍ .. يشبه شعاع الشمس قدّام الغرووب * اليا تبيـّـنت وكشفت .. وبان من تحت اللثاااام
اجيك راضي بالمجي لا جيت آروح إمغصوب * ادمنت لذة حبك وجاني على شوووفك هياااام
في غيبتك صدمة صدوف الوقت ما منها هروب * تـثـّر على قلب العنا المجرووح وتهز النظام
الشوق والبعد مثل السيف يا حده
والقرب والوصل مثل السكر الحالي
اسامر الليل والاعصاب منشده
كني غريب وحيد في الخلا خالي
راعي الهوى ماجرى دمعه على خده
الا على الي لهم بالقلب منزالي
طال السهر من يوم صوتك جفانـي؟
والا السهر في درب الاحباب ..مدهال؟
العام .. تنقـش بالحنايـا .. مكانـي
واليوم .. تفرح بالتباريح .. وتختـال
لاترسم الضحكه على وجـه ثانـي!
مليت اصدق بالخفا .. كـذب الامـال
امّا اعطني بالوصـل .. ليـلٍ خذانـي
والاّ احشم الخفّاق .. عن هرج الانذال
والله لـو بيـدي ماجيتـك ثـوانـي
أعيش حزني .. لكن آمـوت رجـال!
كلّ ماهبّ الهوى .. بين المحاني ..
قلت يمكن صاحبي .. غيّر محلّه !
الزمن تذكار .. والذكـرى سنينـي
والدموع .. أحيان ماتشبه بعضهـا
ليت من دسّ الطعون الخضر .. فيني
غاب .. قبل إن المقادير تعرضهـا!
كان الهبايب .. دمدمت جرّة الوقت
عمر الليالي ماتدمـدم غلاتـك!
بيني وبين الجرح الأول .. عهد ياس !
وبيني وبينك .. ياحبيبـي .. مسافـه
في هالزمن .. ماعاد نستامن النّـاس
حتى الحبيب اللي نحبّـه .. نخافـه!!
البارحه .. كنّ السهر جاب لـك زول
حطّه علـى جـال العيـون وتبـرّك
ماجيت لك يا ناعس الطرف .. مدلول
مبطي وهو بين الحنايـا .. مقـرّك
جيتك وآنا اللي بالهواجيس مقتـول
مـره تجـرّ البـال وْمـره يجـرّك
هذا مكانك في ضلوعي على طـول
كم طيّبت آثـار مشيّـك .. ممـرّك
وهذي عيوني مارخصت ملح هملول
ولا بيّحـت بيـن المخاليـق سـرّك
دام الغلا يامْذوّق القلب .. معسـول
ماصدّ عنك القلـب لـو ذاق مـرّك
من رحلتي .. والقصايد سالفه عنـد .. الوقايـد
كني اللي كل همّه يجـرح المسبـاح بيـده !!؟
فكّ قيده .. وإن لقيته من حمـول الحـب زايـد
طالبـك بالله لاترحـل قبـل .. ماتفـكّ قـيـده
خلني أهدم شموخ الليل .. بأحضـان الوسايـد
خلني أنسى سواة البارحـه .. وانسـى وعيـده
والله انـي ماهقيـت الحـب للمفتـون كـايـد
لين شفت الشوق غنّى في معاليقـي نشيـده!؟
أحسب إنك في غيابـك قاطـع ٍ وصـل البعايـد
مادريت إنّ بغيابـك قاطـع ٍ قلبـي وْوريـده!؟
من تسيّـدت الحنايـا وانـت يالمجمـول قايـد
قايدٍ حتى القصايد يابخـت مـن جيـت سيـده
مدري شعري هو كلامي ..! أو كلامي بك قصايد
الاكيد إني كتبت الحـب بأسبابـك .. قصيـده !؟
[/align]
رد مع اقتباس
-new.gif)
