اناجي نجوم الليل
واشكي لها همي
يوم ضاقت بي الدنيا
وعيني سهيره
القلب فاقد خله
والخلق ماهي بيمي
والزمن
في هاللحظه توقف مسيره
اداري العبره
وامسحها بطرف كمي
هليتها
على من قلبي اسيره
ابكيه بالدمع
وان قضى بكيته بدمي
الفراق اقوى من اوجاع العظام الكسيره
عفت الخلايق بعده
وعفت خالي وعمي
وعفت هلي الادنين
وضاعت مني البصيره
آآه من دنيا زادت علىالهم غمي
آآآآ ياكثر منتي ياالدنيا حقيره
\
\
\
قربك قمة هناي
وبعدك يالغلا سمي
اوقاتي معك لو هي عمر بعيني قصيره
يوم اشوفك
الخير بدنياي كله يعمي
واصير اسعد انسان
لو ظروفي عسيره
\
\
\
طبعه خجول
لا يذم الناس ولا ينمي
مقدر على اوصافه
من حلاياه الكثيره
ليت المحبه تلفنا على بعض وتضمي
وليت الهوى تجمعنا بك مقاديره
وتقول لبيه
وانا اقول لك سمي
انا فدوة قليب الغزاله الصغيره
\
\
\
لاتكثرين علي اللوم يا امي
قلبي ملك غيري وهو يحكم مصيره
رد مع اقتباس
