الطير .. وشهو لو كسرنا جناحه ؟ !
الصبح شعشع واقبل النـور بالنـور
والليل الاسود مايجيـب الصراحـه
ماني بضايق لكـن القلـب مقهـور
مثلي تسـاوت ضيقتـه وإنشراحـه
آمنت باللي ثبّت اطويـق والطـور
عسـاه يلهمنـي ثبـوت وفصاحـه
واضح واحب اقابل الناس مسـرور
مخلوق من بين الرضـا والسماحـه
اكتب قصيدي همي إسعـاد جمهـور
ماهمني فوضـه وصـوره وساحـه
موجٍ تلاطم من ورى سبعة ابحـور
حروف شعـري للمخاليـق راحـه
يامبتليني ؟ بالحكي اسمـع الشـور
لا تحسبنّك عايـش بوسـط واحـه
اللي خلقنـا ميّـز الحـق والـزور
الفرق واضـح كالسمـا والبراحـه
الطب يبغالـه مـن النـاس دكتـور
والهندسه تبغى ارتفـاع ومساحـه
ياللي تقول اني من النـاس مغـرور
ميّـز همـاج المـا وميّـز قراحـه
لامن كبر راسي مع الطيش معـذور
لكن غرور الشخص سبـة مطاحـه
نسعى بهالدنيا نبي الحـال مستـور
والمجتهـد همـه وغمـه نجاحـه
ياصاحبي ؟ لا تقعد اتلّـف واتـدور
الطير وشهو ؟ لو كسرنـا جناحـه
منت بمعي يابن الاجاويـد مجبـور
مـن راح منـي سمّـح الله مراحـه
وســـلامـــتــــكــــم
اخذت من منتديات الفدعة للكاتبة حورية
رد مع اقتباس
