[poem=font="Simplified Arabic,5,black,normal,normal" bkcolor="transparent" bkimage="" border="double,4,darkblue" type=0 line=1 align=center use=ex num="0,black"]
اقبل يشيل الصمت يالله عسى خير = ليل(ن) كسى روس الجبال الطويله
دب السكون وذاب صوت العصافير = والنور نام وطاح سرج الكحيله
وهبت من القبله هبوب ومعاصير = والريح سولف للشجر بألف ليله
وجتني همومي كلبوها طوابير = اشيل شي و شي ماطيق اشيله
مدري نسميها حظوظ ومقادير = والا يدين الوقت صارت بخيله
والا قسى الغالين لاصح تعبير = والا شحيحات السنين الهزيله
والليل راح ومغرق العقل تفكير = سؤال اظن اجابته مستحيله
والنوم ماجاني ولاله مسايير = كنه يقول النوم حالف مجيله
وطاح القناع وتل مسباقه الطير = الصبح يضحك بعد ليله طويله
وليل(ن) جديد اقبل عسى جيته خير = ليل(ن) كسى روس الجبال الطويله
مصافحه اولى وان شاء الله تحوز على رضاكم[/poem]
رد مع اقتباس
