السلام عليكم ورحمة الله وبركاته
العذر اولاً اقدمه عن ابتعادي قليلاً عن جوهرة الشعر غرابيل
وهنا اتمنى ان تحوز هذه على رضاكم جميعا
[poem=font="Arial,4,black,normal,normal" bkcolor="transparent" bkimage="backgrounds/40.gif" border="solid,4,darkblue" type=1 line=0 align=center use=ex num="0,black"]
أما كـذا ولا فـلا ما يجيلي = الي تقوله ما يسمى قناعه
ابيك صبحي مع نهاري وليلي= ما اعفيك من دنياي لو كان ساعه
أبيك لاضاقت حياتي تجيلي = وأشوف فيك الحب ينثر طباعه
أبيك عن كل المعاني خليلي = ما أبيك في سوق المحبه بضاعه
أبيك باحضان المحبه حليلي = ماهي قضية حرب ولا صناعه
الصدق في كل المواقف عميلي = والكذب في نفسي يلاقي مناعه
الطيب طبعي والعطايا دليلي = بيني وبين الطيب مبطي رضاعه
في موقفي ثابت وغيري يميلي = رجل ٍ ولي قيمه وعندي جماعه
أما كذا ولا يا بنت اسمحيلي = بلاش من حكي يسمى براعه
بالمختصر دور وتلقا بديلي = وهذي بعد للعلم يعني شجاعه
فالح الشلوي [/poem]
رد مع اقتباس
