[poem=font="Simplified Arabic,5,red,bold,italic" bkcolor="transparent" bkimage="" border="none,5,gray" type=3 line=1 align=center use=ex num="0,black"]
وصـــاتـي
حبيبـي لا تعاتبنـي وانـا يامـا عليـك ابديـت =ترى لو تنشـد اجزائـي تجـاوب حبـك بذاتـي
***
عتابك حيـل متعبنـي بنظراتـك ترانـي ميـت =سهام(ن) تطعـن بجوفـي تـراك تجـدد اهاتـي
***
رجيتك تنطقي وش فيك تعبت من العنـا مليـت =اشوف الدنيا في عيني تضيـق ودمعتـي تاتـي
***
وش السبه وفكري مسرح اوهام وعلام اخطيـت =روايـة حـزن انـا فيهـا يتيـم بكـل حالاتـي
***
انـا والله متعبنـي بكـاك ودمعتـك وازريــت =اقرب منـك وامسحهـا اخـاف تزيـد غلطاتـي
***
الا ياليل وش باقي لنـا غيـر الدمـوع ابليـت =جفون من البكى ذابـت تصيـح تقـول دمعاتـي
***
وجسم(ن) سمه الحرمان وعين(ن) ساهره ماتبيت =وصوف الحال يابنيـه صعـب ترجـع مسراتـي
***
حرمتيني من الفرحه بقربك يوم انـا لـك جيـت =وانا كنت احسبك بالشوق هلا تنطق بها شفاتـي
***
اسابق عقرب الساعـه لوعـدك متعبـه عديـت =سبقت الوقت لمشاهـد عيونـك قبـل ساعاتـي
***
قسيتي يا بعد كلـي برمحـك للخفـوق اهديـت =وانا من قبل موت شعور ترى بكتب لك وصاتـي
***
وصاتي يالغضي تذكر بيمنا القلـب لـك مديـت =عطيتـك عمـري وكلـي كـلام يعانـد سكاتـي
***
وانا وان مت تدفني بقربـك عنـد بـاب البيـت =ابي لامن نظرت القبـر تشـوف بسبتـك ماتـي
***
والقي وجهي القبلـه وادعـي لـك اذا صليـت =عسى درب السعاده لـك رفيـق بكـل دعواتـي
***
ولا ودي بعد اهـرج ادور مـن وراك الصيـت =ولا ابغى منك عـذر ورد لمـا خطتـه كلماتـي
***
طلبتك لا تزيدين الجروح ارجـوك كفـا وقيـت =كفانـي منـك ماجانـي اعانـق نـار حسراتـي
***
مساء الخير ياذيك المواجـع مرحبـا(ن) حييـت =هـلا بالهـم والضيقـه تسلـي صـوت وناتـي
***
الا يالله ترحمنـي دعيتـك مخلـص(ن) ناديـت =تعبت من التعـب بلـوى بليـت بـاول اوقاتـي
*** [/poem]
رد مع اقتباس
