[align=center]هااذي مجرد بويتات للحضور فقط
وان شاء الله تنال الرضي فقط لاغير[/align]
[poem=font="Simplified Arabic,5,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
لى ثمان سنين مدرى وش بلاي = انشد الفرحه بوقتى مالقيت
ضيق صدر ٍ مايغايب عن مساي = جاينى ان شئت والا ان ابيت
نوب ياتى من خلاي وفي خلاى = ولايبارحنى وراه الا ان بكيت
يتلف اعصابي ويرثع في شواى = اكتفيت من العنـــا او ما اكتفيت
والله انى منه.. مدرى وش خطاى = ووش زرعت من العمل حتى جنيت
حالفن يالوقت ماتبحث خفاي = ولو تسوى ماتسوى ماارتخيت
تبطي الريجيل ماتلحق مداي = ولو بحسب حساب غيري مامشيت
كم دمحت العوج من عند خوياي = ولازعلت ولاحقدت ولاحكيت
والرفيق اللى تكلم في قفاي = عن كلامه ماحسبت ولا دريت
ناذر ٍ ما افرح على اصحابي عداي = لومشيت الدرب وانا مابغيت
ونظرتى قدام ما اناظر وراي = عارف ٍ لو طحت لخصومى هفيت
وعارف ٍ قدرى وخابر مستواى = لاوقفت ولاجلست ولا مشيت
والحبيب اللى تسبب في شقاي = فدوته كل المشاعر ماحييت
لو يجود بداي ويمن بدواى = شخص غيره ماعشقت ولا اهتويت
واهبلّه كل عمرى مع غلاي = وغصب عنى ماوهبت وماعطيت
وذي مع الايام هى رحلة عناى = باديه وانا من الصبر انتهيت
وليت كلمة ليت تبلغبي رضاي = كان مامليت من كلمة يليت[/poem]