تحية لكم احبابي ابناء غرابيل
قصيدة متواضعة عسى ان تصل لذائقتكم رغم ماتحتويه من غموض وطلاسم في مقصدها
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بحثت ولا لقيت ألا من اهداب الغضي جرحين=شظايا تنفجر وتثور إلى ناظرت عينيها
تمكن بي وأنا العاصي وأنا الضرغام والمسكين=أمير(ن) من خلقنا الله وصرت العبد بيديها
تلاعب بي على الحبلين وأنا متقيد بحبلين=عجزت أني أفك القيد ألا يالعنبوا بيها
غريبه ياحمد والله وش اللي جاري (ن) بالسين=مدام الشين تتبعها وثلاث أنقاط تكسيها
على رتبة نقيب الجيش نقل لحدود دار العين=فرح بالترقية وازرى يلاحق غيم ساريها
أنا مابيني وبينك سنين (ن) تختصر شهرين=يطول الشهر وسنيني قلم مرسام يمحيها
تذكرني غياب الشمس إلى غابت عن العينين=توارت خلف مقصدها وبانت لي مواريها
سألني صاحبي محمد وش المقصد من التنوين ؟=مدام حروفنا تجبر على تكسار شطريها
أجبت الحرف يامحمد غموض (ن) يحتمل شيين=سقوط أملاك مملكتي من الهامه على يديها
أو أني عديم الحظ وهذا أقرب الحلين=لأني كل مسندها تزعزع بي مراسيها
وقف حاير ولا يدري إجابه مالها تقنين=عجز يفهم وش المغزى من اللي راح يغزيها
ندهلي ياولد ناصر ابي منك بعد تبيين=سكت وقلتله اسمع انا بقول تاليها
ترى ماكل الحروف تدان ولاكل الحروف تدين=ترى بعض القصيد اوجه يموت ومقصده فيها[/poem]
وسلامتكم
رد مع اقتباس
المشاركة الأصلية كتبت بواسطة ناصر الدوسري
