ماتت .. وراحت .. وخلّت بالحشا تسعين كيّـه
والدجا عسعس .. وتسمـع فـي نسانيسـه كآبـه
والظلام أدمس .. لعين عيونهـا ذيـك البنيّـه
والجوارح من غلاها .. صابها خـوف ومهابـه !!
ماتت وقلبي تعلّق فـي غـلا عشـق ابدويّـه
طاحت نجوم الثريـا .. وإنجلـى غيـم السحابـه
والسوالف إنتهت بالمـوت .. والعالـم شقيّـه
والشرف طااااح وعجزت ألقى على نفسي إجابـه؟
والقمر صابه خسوف .. وكان قبل النار حيّـه
ومن بعد موتت حبيبـي .. صـار بالدنيـا خرابـه
يالهيب الروح شبّـي مـن ضلوعـي زوبعيّـه
موت خلي فجّـر عروقـي .. وقلبـي صـك بابـه
صك بابه .. من عقب ماكانـت الدنيـا هنيّـه
ويش أسـوي دام خلّـي راااااح فـي أول شبابـه
ماتت الفرحـه بعينـي ليـت هامـور المنيّـه
شال روحي قبـل ينـزع روحهـا لا واسفابـه..!!
ماتت العفّـه لبنـت ٍ تنتخـي لأهـل الحميّـه
مابقى للجـود جـود .. وعضّنـي بالجـود نابـه
ماتت وعيني غطاها عـن شتـاء رب البريّـه
كيف نامت في كفنها..! ولحّفوهـا فـي ترابـه..؟
ليه راحت دون علمي ؟ للوعد جبـت الهديّـه
ليه راحـت وتركتنـي ؟ ضايـع ٍ يطـرد سرابـه
(نوره ) إنتي ليه رحتي روحة ٍ من غير جيّـه
ليـه خليتـي حبيـب ٍ حظّـه العـاثـر عثـابـه
(نوره ) ليه إنتي نقضتي عهدنا وإنتـي وفيّـه
ليه خليتـي حبيـب ٍ مـلّ مـن كثـر الكتابـه..!!
(نوره) سهومك بصدري ليـه سببتـي عليّـه
ليه رحتـي تاركـه قلبـي سجيـن ٍ فـي عذابـه
(نوره) الذنب إكتساني وأدري إن الذنـب بيّـه
سامحينـي يابعـد جـدّي .. وعربـان الذيـابـه
والله إني خذت عفشي وجيـت بآشـد المطيّـه
والخبـر كسّـر عظامـي مثـل رعـد ٍ ينحكابـه
ياعذاااااابـي لا تذكـرت العـلـوم الأولـيّـه
قصة ٍ كل مـن سمعهـا يفقـد العاقـل صوابـه؟!
بنت بدو ٍ .. ماتعرف &المملكه والفيصليّـه&
آآآآآه يامحـلا كفوفـه لاتزاهـا فــي خضـابـه
ماهوت حـي العليّـا .. أو قصـور العاذريّـه
تشتهـي بـرّ ونفـود وليـل قــداح ٍ شهـابـه
بنت عز ٍ من رغدها ربعهـا جيـش وسريّـه
لا بغت شـي ٍ تنولـه لـو علـى قطـع النسابـه
لا لفاها ضيف ربـي صاحـت بـيّالله حيّـه ..
ورددت في صـوت عفّـه مرحبابـه .... ياهلابـه
ماخطف قلبي وشتـت غربتـي ياكـود هيّـه
وماذبحنـي بالهـوى ياكـود مـن فكـري غدابـه
فيه من شهر رمضان وفيه من عيـد الضحيّـه
وفيـه مـن كيهـوم حائـل الحـلا كاسـي لعابـه
كيف تبكيه العيـون الصادقـه ترجيـه ريّـه؟
والـذي كفكـف دموعـه حـق ملعـون ٍ جنابـه!
من بعد موتت حبيبي صرت مجهـول الهويّـه
ضاق وسع الكون فيني مـن بعـد ذيـك الرحابـه
من بعد موتت حبيبـي الخـوي خلـى خويّـه
والقطاعـه باديـه فـي نفـي عـمّـان وقـرابـه
من بعد موتت حبيبـي زدت غـلّ وعنصريّـه
إنطويـت وكـل شـي ٍ أكتفـي فــي إجتنـابـه
عـل تفـداه العيـون الناعسـه والنرجسيّـه
يابعـد ريحـة رضيـع ٍ قلـدوه أحـلـى ثيـابـه
عـل تفـداه الليـال الماضـيـه والمقبلـيّـه
يابعد ريحـة مشـار وريـح بـرزان ٍ .. وطابـه
علـى تفـداه القبايـل والحضـر والجاهليّـه
يابعـد حائـل وأهلهـا .. عـن مطبـات الخيابـه
عـل تفـداه البنـات وساكنـيـن اللاذقـيّـه
يابعـد خـل ٍ كـذوب ٍ خلّـه الـوافـي هقـابـه
ليتني ماشفت خلي وسـط حـي <العاصميّـه>
ليتنـي أصمـخ كفيـف ٍ ماتتقـا مـن جـوابـه
لو قصيدي فيـك ذنـب ياحلاتـه مـن خطيّـه
أبشري فـي نظـم قـاف ٍ ماتعثّـر فـي ضبابـه
ياسحابـه إغسلـي قبـره بسكّـاب ابـرديّـه
وعلميـهـا إن قلـبـي مانسـاهـا ياسـحـابـه
وعلميهـا إن قلـبـي مايطـالـب بالجـزيّـه
وعلميهـا إن قلـبـي حــب بالدنـيـا عتـابـه
ياأطهر من الماء ياأجمل من نهار ٍ شع ضيّـه
ياأشرف من اللي تنخوى لا مـن الطفـل إنتخابـه
لاصباح فيـه خيـر وكـل طيـر ٍ ثـار غيّـه
إشتكى من صبح ٍ أقشـر ينعـق بغصنـه غرابـه
الطموحي صار محبـط فـي وفـاة الغنجهيّـه
والحبيب أصبح كريـه مـن بعـد ذيـك الحبابـه
والنهـار أغبـر وطـوّل ليلنـا بالسرمـديّـه
والدروب هجووووود بعده آآآآه ياكم مـن سعابـه
والهـدب عيّـا وداعـه والعيـون المهمهيّـه
إنعمت من كثـر دمـع ٍ ماحسـب لجلـه حسابـه
جادليـه احرمتنـي .. جادليّـه .. جادليّـه !
من فراقه .. كل موجه وسـط قلبـي بإضطرابـه ؟
كف حاني .. قلب عاني .. لاحكت لي سامريّـه
لاوطت بالقاااااااااااااع تزرع من ربيع الله مهابه !!!
عفت كل بنت ٍ بعدها ولا يصيـد الحـرّ زيّـه
الفـراق إجتـاح قلـب ٍ جرحـه الدامـي رعابـه
لو تحس القاع (نوره) إنطوت مليون طيّـه_!!
والجزيرة صابها خسف ٍ شنيـع ٍ مـن ثوابـه _؟
أشهد إن الزعفران بريـح قبـره مـو شويّـه
والخزامى جـات عنـده واتركـت عالـي هضابـه
يالله إني رافـع لجلـك علـى الرحمـه يديّـه
ياإلـه الكـون أرجـو دعوتـي لـه مستجـابـه
سامحيني عن غيابـي وموتـت الغالـي بليّـه
لكـن الغايـب حبيبـي عـذره الكافـي غيـابـه
ياهلي تكفوووون هذي قصتي ويّا _<الوصيّه>_
و_<الوصيّه>_ غصب تعمل حـق مافيهـا طلابـه
#إدفنوني عند قبره وإفتحـوا قبـره عليّـه..!
عل عيني تشوف نومه لين يصحى من غلابـه..؟#