صدمتي كانت شديدة| بنزف قلمي
يا خسـارة يا زماني ليه من صدك أعانـــــــــــي
كنت آمالي وطموحي وصارت أحلامي بعيـــــدة
كم وكم يا بعد عمري كم عطيتك من حنانـــــي
يوم أنا أسهر ليالي وأنت باحلام سعيــــــــــــدة
كنت حلمي ونور ليلي وكنت أعلي فيك شانـــي
وصرت وحدك جرح قلبي ودمعة الحزن الأكيدة
وجيت ترجع يا حبيبي وترسم بعمري الامانــي
ومدري أنك يا حبيبي جيتني بلعبــه جديــــــدة
أنطفت أشواق قلبي وراح من حبك زمانــــــي
ومن بعد حبك تراها صارت ايامي مجيــــــــدة
ابتعد عني تراني مقوى اشوفك لو ثوانــــــــي
أبتعد خلي حياتي تبتسم بسمة جديـــــــــــــــدة
أبتسم وأضحك واراعي يوم كنت انت الامانـي
وكنت أشوفك نور عيني مير اشواقك بليــــدة
عايش في وسط قلبك والغريب اني أعانـــــي
من محبة حطمتني وصدمتي كانت شديــــــدة
كنت أظن أنك حبيبي وكنت أظن انك حنانـــي
وكنت أظن يعيش قلبي قربك أعواماً عديـــدة
آآآآآه من قلب جرحني وآآآه من غدر لقانـــي
وآه من حب طويته مثل ما أطوي الجريــــدة
أحمد الله اللي نسيتك وأنطفت كل الامانــــي
وأبغى يطمن خفوقك بسمتي ما هي وحيــدة
طمن أحساسك تراني عايش باحلى المباني
قلبي يسكن في خفـــــــوق كل أيامه سعيدة
مع تحياتي للجميع
