السلآم عليكم
بدون مقدمآت , كلنآ شفنآ تصريح أحمد في برنآمج ارسآل و طبعاُ المنتدى حالياُ ممتلي موآضيع بخصوص هآ
المسألة و مآ ألوم أي شخص يتكلم عن ها الموضوع بحرقه أو بعصبيه لأن اللي صآر شيء ما ينسكت عليه ..
موب العيب في أنك تترك النادي و تحترف لأن الاحتراف شيء طبيعي و معترف فيه و بالعكس حنآ كجماهير نرحب
فيه و الدليل ان ردود الافعال الهلالية تجاه احتراف هوساوي و عيسى كانت ايجابية بحته و بالعكس ما قلنالهم الا الله
يوفقكم و نتمنى لكم النجاح و التوفيق !
لكن المشكلة اللي مع الفريدي هي ( الطريقة ) اللي طلع فيها بتصريحه !!
أولاُ هذي موب أول مره يطلع و يلمح برحيله لأنه سبق و في أكثر من مقابلة طلع و لمح انه ممكن يمشي في أي
لحظة , لكن لما رئيس النادي يطلع في قناة فضائية و يقول انك كلاعب تعتبر من اللاعبين المؤثرين في الفريق و
بقائك هام و المفاوضات معك شبه منتهية و بعدها و في اقل من 48 ساعة تطلع كلاعب و تقول انك راحل !
يا ليتك قلت انك راحل و بس لكنك تقول انك لو استمريت ما راح تقدم شيء للفريق و ضررك اكثر من نفعك !
طبعاً مسألة ان طموح الاعب قل او هو موب مرتاح في النادي هذا شيء راجع له و هو حر فيه .. لكن ليش انت كـ
احمد الفريدي ( لاعب محترف و خبير ) ما تعاملت بحترافية في ها الموضوع و خليت ها الكلام كله بينك و بين
الاداره .. ليش تطلعه للاعلام و تناقض رئيس ناديك و تحرجه و تحرج ناديك معك ؟!
الخلآااااصة الآعب بيّت النية على انه راح يترك النادي بعد الاسيوية و بيت النية انه لو استمر فهو ما راح يقدم
اي شيء ايجابي للفريق إذاً المطلوب من الإدآرة حالياُ أنها تستغني عن خدماتة بعد الاسيوية مباشرة لأنه كطموح
على حد تعبيره ما يقدر يأدي إلا في الاسيوية و بعدها يبي يتكل على الله ...
الفترة الجاية فترة حرجة و فترة بطولات و استحقاقات هامة و حنا ما نحتاج في الفريق إلآ الاعب اللي يحترق على
الشعار و يحرث الملعب حرث !
الاعب اللي بيوقع 4 سنين و هو ( مجبور ) هذا ما منه فايده أبد و ضررة اكثر من نفعة على الفريق !
بعيد عن العواطف و بالعقلانية و بالمنطق , الفريدي هو من اراد الرحيل و للأسف انه بين ها الشيء بطريقة غير
احترافية نهائياً و لذلك أعتقد ان رغبتة يجب أن تنفذ فـ لآ هو اللاعب اللي عنده الرغبة في خدمتنا و هو نفسه
الاعب اللي رفع ضغطنا بمماطلتة و استفزازاتة الغير محسوبة في اكثر من مناسبة !
الهلال عمره ما وقف على لاعب واحد .. راح النعيمة و راح المصيبيح و راح التيماوي و راح ابو ثنين و راح
الثنيان و التمياط و الجابر و الهلال هو الهلال !
فـ شكراااااااً لك يآ فريديُ و بالتوفيقُ لكُ ( إذآ ) عدلتُ قنآعاتكُ و اسلوبكُ و قررت تستمر معنآ .. أو بالتوفيقُ لكً
إذآ آستمريتُ على موقفكً و اصررتُ على الرحيلُ و بهذهٌ الطريقةً !
..
سيآسة ( إن لم تكن معي فـ أنت ضدي ) !
للآسف الآن لمآ الوآحد فينآ ينتقد لآعب معين لإنتقاد ( فني ) أو لنتقآد في ( أسلوب لآعب ) تشوف جمهور الآعب
يتهمك بـ ( المحاربة ) و ( الاستقصاد ) للاعب !
مع العلمُ ان الواحد فينا يمدح الاعب اذا استحق المدح و ينتقد الاعب اذا استحق النقد !
لكن فعلاُ الآن مآ عآد فيه أحد يتقبل وجهة نظرُ الثآني و يآ ليته ما يتقبلهآ لكنه يتهمُ الشخص بأتهاماته باطلة
و كأن اللي ينقد مو مشجع هلالي ولا ينتقد لمصلحة فريقة !!
ما فيه مشجع بينتقد لاعب ( بدون سبب ) و لا فيه مشجع هلالي بيحارب لاعب يمثل الهلال و هذي مسألة مفروغ
منهآ و أصلاُ لو المشرفين شكوُ في يوزر معين انه يوزر مندس أو ينشرُ عبارات مسيئة فهي رآح تتصرفُ مع ها
اليوزرُ من نفسهآ بدون ما تشآوركُ أو تآخذ رآيك ..
فـ الخلآصة بلآش نظريآت ( المؤآمرة ) و خلو كل وآحد ينتقدُ و يمدحُ وفق وجهة نظرة و إذآ أخطئ الوآحد او طلع
منه لفظ غير سليم و هو معصب المشرفين مآ رآح يقصرونً و رآح يعاقبون المخطيء و المخطي أكيد بيتقبل العقآب
بصدر رحبُ !
يعني لآزم نمدح كل الاوقات علشآن نصيرُ منصفين ؟!
الأخطآء ما رآح تتصحح إلآ بالنقد و المعآلجة فقط .. و اللي يستحق الاشادة بنشيد فيه و اللي نشوفه يستحق
نقدنآ بننقده و في النهايه كلنآ هلآليين و ما اجتمعنا في ها المنتدى إلآ لحبنآ للهلآل الكيآن بغض النظر عن اللعيبة
و جماهيريتهم و شعبيتهمُ اللي تحترم أكيد .. و شكراً
رد مع اقتباس
