بعد التحية اليكم هذه القصيدة آملا ان تنال رضاكم
فزعة صلاح الدين
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قُلّ لي وش اللي ما بقى منك ياوقت=فيني وسوّيته تغانمت طيبي
ودّي لوانّك يوم تقسى ترفّقت=الله يصبّرني وربك حسيبي
على الشقا والهمّ من شبّتي فقت=والحمد لله يوم هذا نصيبي
ما لاق لي وضعه..وأنا يوم ما لقت=ماهو بكيفي..هو لفاني غصيبي
ياكم شعيت الدمع..حُرْقة وصفّقت=عييّت ما أرضى..بسّ وقتي رضَي بي
كاسات عُمري..قدّمت لي وانا ذقت=من مرّها..وين القراح العذيبي
لو بالتماني..كان غنّيت واشتقت=يفزع لي الحظّ..ويجي عن قريبي
فزعة صلاح الدين..من بعد ما ضقت=خذا لراس القدس..كسْرَ الصليبي
العيب ماهو لي..ولاأسرق ولابقت=قُلّ الدراهم بسّ..هوْ كان عيبي
ومعْ قُلّ مالي..ماوقفت..وتعوّقت=عايش بفضل الله على رزق جيبي
من منّةٍ تبدي بلا نفس..ما طقت=ماأريدها..لو يشعل الراس شيبي
من الله أرجي..وانْ حصل ما توفّقت=ماجيت لابن آدم..ولاهو طليبي
صبري..يعوّضني على جاير الوقت=اللي تغانم في سواياه..طيبي[/poem]
وســــــــــــــــــــلام تكم
أخوكم / علي عبدالرحمن الاسمري
رد مع اقتباس
