]شكرا حبيبي والف شكرا لهدرك
اسمى معاني الود وصافي النوايا
ماعظم فؤادٍ ساكنٍ وسط صدرك
يهدي الطعـون ويستلـذ بشقايـا
يا ما طلبتك بالدجى يطل بـدرك
ياما نخيتك ما سمعـت انتخايـا
ياما حلمت آقبل السـود خـدرك
واروي ظما شوقي بعذب الشفايا
لاني احبك صاينـه دوم قـدرك
لانـي احبـك قبلتـك الحنايـا
وانته طموحك ناظره دوم حدرك
هذا طموحك غانيـات وعرايـا
ترجي المكانه عندهن وانت تدرك
ذل المكانه عنـد زيـف وبقايـا
يكفي حبيبي ذا الوهم صار مدرك
اني ملاذٍ لـه واوفـى الزوايـا
شكرا لقلبك والف شكرا لغـدرك
شكرا على كذبك وشيـن النوايـا
أختكم تهاني التميمي...
رد مع اقتباس
