مساءكم سكر :
نص جديد اتمنى ان ينال رضاكم :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعد ماترحل الدنيا وتذبل صورة الانسان= ابيك بكل ماتملك تودعني وتنساني
وأبي تكتب على قبري ( شهيد الرمش والاعيان)= وابيك تلف باوراق القصايد فيك جثماني
يا أغلى حب بعثرني ورتبني بلا استئذان= وأول قلب بالدنيا نفى الدنيا على شاني
يكفيني وهم إني بحبك ( مغترب) ولهان= ويكفيني أسى إني رسمتك نصفي الثاني
تعبت من الهموم وذكريات الجرح والحرمان= وأخر مابقى من حبك اللي زلزل أركاني
وأنا أوعدك ياأجمل ليال الحب يافتان= لأسافر عن عيونك للبعيد اللي تمناني
هناك إذا غدى قلبي غريب ولالقى اوطان= وشعرت إن الجروح تزود والحرمان ينعاني
وصارت خطوتي دمعة تدّور بالسراب أوجان= وتلاشى الليل بهمومه ومات الحرف بلساني
ولقيت قلوب غير قلوب وخلانٍ بلاخلان= وصورة من بقايا الشك تقول ( إن الهوى فاني )
أبحرق مابقى من حب وأبطلب ربي الرحمان= يزيلك من عيون الحزن ومن روحي ووجداني
خطاي اني عشقتك وانتهيت بعالم النسيان= وزرعتك في حدود الشمس عشاقي وخلاني
وضاعت أجمل ايامي مابين السجن والسجان= وعرفت ان الطريق اللي جمعنا سبب أحزاني
أنا مأساة في مأساة انا مركب بلاربان= أنا من اول التاريخ والتاريخ يبراني
انا الموعد انا الفرقى أنا الصورة بدون ألوان= أنا الثورة انا الغربة انا المجني انا الجاني
انا يوم انتهى عمري رضيت برحلة الأحزان= ولاتسألني عن دربي ولا أرضي وعنواني
ابترك لك بعد ماارحل ذنوب تطلب الغفران= وترى لو تقلب التكوين أبد ماراح تلقاني
فمان الله ياخلٍ على يدينه عذابي كان= وسامحني على الفرقا ويكفي منك ماجاني[/poem]
رد مع اقتباس
بركان الحـــرف الثأر
