[align=center]اسعد الله جميع اوقاتكم بكل خير
اليكم هذه المتواضعه عسى ان ترقى لمستوى اذواقكم[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهجوس الشعر عنـي لاتغيبـي=طاري الي من عنى الايام طـاري
كل مازانت وزان القـاف طيبـي=افزعي يمي ترى الوضع اطراري
ازعجي بالصوت فالصدر الرحيبي=وقدحي قدحٍ مثل قدح السـواري
ونهجي منهـاج عـز ولاتخيبـي=عن لزومي لا تـذري فالمـذاري
لك ثلاث ايام يالجـرح العطيبـي=كل ليله مع هجوس البال سـاري
مادرابـك لابعيـد ولا قريـبـي=تضرب ببحدن مثل حد الشبـاري
والمحاني ذيبهـا يقنـب قنيبـي=جاري له من ظروف الوقت جاري
لاجزيت بخير يالوقـت العجيبـي=كم عيونن منك هلـت بالعبـاري
واردن برشاي من جـم القليبـي=وادخلن فالسوق بيـاعٍٍ وشـاري
اعرف ألرجل المخول والنجيبـي=واعرف اللي لا يغيّر ولا يبـاري
نعم باللي فالمواقف لـه نصيبـي=ثابتن قوله مثل قـول البخـاري
يرتكي للحمل ويشيـل الصعيبـي=فالزمان الشيـن جايلـه مـواري
سيفه المسلول في وجه الحريبـي=لمعته تكشف هداليـس الغـداري
معتلي بالطيب في راس الرقيبـي=ماتلوى مثـل صاحبنـا مكـاري
مامشى درب المذلـه والمعيبـي=في دروس المرجله فاهم وقـاري
واعرف اللي فيه شك وفيه ريبي=دايمن يـارد غثاريـب الخبـاري
ناجبه في دنيتـه ماهـو عريبـي=للدروب العوج متعـود وضـاري
حالفن بالله مـا حطـه صحيبـي=لو مشيت مع الخلا جيعان عاري [/poem]
رد مع اقتباس
المشاركة الأصلية كتبت بواسطة احمد الثبيتي
