[flash=http://www.geocities.com/bint_alrejjal/majd.swf]WIDTH=500 HEIGHT=400[/flash]
[frame="10 80"]
السلام عليكم ورحمة الله وبركاته
أسعد الله أوقاتكم بكل خير
جديدي وأتمنى أنه يعجبكم ان شاء الله
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
واقلبي اللي كل ماطريت هنّود=يزيد نبضه بين حدب السراجيف
كنه من اطوال المشاوير مطرود=من شوفة اللي له زمانين ماشيف
يانعنبوه الحظ اقشر ومقورد= ماقد تمنيته وجاني على الكيف
متى يعود الوصل يازين وتعود= ومتى نشوفك ياجميل التواصيف
وجدي عليها وجد من ضيع الذود = حل الشتى واتلى العهد باول الصيف
ينشد مع العربان والحسّ مفقود = والحال هلكت من طلوع المشاريف
ويجر له ونه بها الصوت ممدود = من زود مابه صنف الهم تصنيف
وانا أجر الصوت لعيونها السود = من الخاطر اللي غربلته الصواديف
موجود ماكني مع الناس موجود = اسرح بفكري لاذكرت المواليف
هذي سواة اللي عشق شيخة النود= يدفع ثمن عشقه بغالي التكاليف
عجّابةٍ منتوقةٍ راوية عود = ياكيف اوصف زينها بس ياكيف
توي عرفت أن الغلا ماله احدود= ولا ينفع الغرقان كثر المجاديف
وأنا أتحسّر كل ماطريت هنّود=والقلب يرجف بين حدب السراجيف[/poem][/frame]
أشكر الأخت ضيم الزمان على تصميم البطاقه ,,,
اخوكم
ماجد ابن حباب
رد مع اقتباس
