السلام عليكم ورحمة الله وبركاته
أول شي أحب أن أشكر أخوي الشاعر الكبير
مبارك الدوسري
الذي عرفني بهذا المنتدى
وهؤلاء النخبة الرائعة
من الأعضاء والشعراء المبدعين
الذين يشرفني أن أنظم إليهم
وأن أستفيد من خبرته وملاحظاتهم على قصائدي
المتواضعة
وهذه أولها قصيدة كل ما اتمناه أن تحوز على رضاكم وإعجابكم
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
ما جيت أدور عن الألقـاب والشهـرة=ما دمت شاعر بعين الزيـن يكفينـي
والشهرة اللي بهـا الشعّـار منبهـرة=صدقني إنها أمـر عـادي وروتينـي
بس إني حبيت أعلم وجه ابـن فهـرة=يقول منتب كفـو للشعـر وش فينـي
والله لأوريه نجم الليـل فـي ظهـره=وأعلمـه كيـف يتحـدى شياطينـي
يا حـر قلبـه ويانـاره ويـا قهـره=لامن قرالي قصيـدة فـي دواوينـي
يا هيه وقت التسامح إنقضـى دهـره=تبطي عظم ما تحـرك شعـرةٍ فينـي
وما دمت أنا وأنت من آدم ومن ظهـره=وش فيك ؟ وشفيك ؟ دايم ما تدانينـي
ليه أستعير الشعر ونـا علـى نهـره=ليه أسرقـه دام هـو خاتـم بيدينـي
من كل بستان شعـرٍ قاطـفٍ زهـره=مسحوبٍ وسامري وهلالـي وهجينـي
ما همني غير سيـد الغيـد والطهـرة=لا قال عطني قصيدة قلت من عينـي
لا غاب عني أبد مـا تكمـل السهـرة=وكنـي معيـد إلا شفتـه بعيديـنـي
البدر ما يكتمـل إلا نصـف شهـره=وإنتي كملتي بكل لحظة وكـل حينـي
روحك بروحي غدت يا شوق منصهرة=حتى غديتي من أعضائـي وتكوينـي
خيّال أنا وإنت يالمحبوب لـي مهـرة=ودي أعسفـك ولكن وينك وويني
قلبي يحبـك نطقهـا بسـره وجهـره=اي والله إنك سكنتـي فـي شرايينـي
لرضاك أسوق العمر لو العمر مهـرة=والعمر وشهو ؟ العمر لو ما وصلتيني
وإن كان خفتي تغير نظرتي الشهـرة=لا بوه شعرٍ وشهرة عنـك تقصينـي [/poem]
وسلامتكم
أخوكم
عبد الرحمن سعد الدوسري
حزين الحرف