السلام عليكم ورحمة الله وبركاته
اقدم لكم هذه المتواضعه وكلي امل ان تعجبكم
مع وافر التحيه والتقدير..........
[poem=font="Simplified Arabic,4,royalblue,normal,normal" bkcolor="transparent" bkimage="" border="none,4,burlywood" type=2 line=0 align=center use=ex num="0,black"]
ياليت قلبي يبدل كان بدلته = واخترت قلبٍ بلى هم ومحبيني
وارتاح من صاحبٍ ياما تحملته = لاارضيته السبت يزعل يوم لثنيني
انا ادري اني انا الغلطان جاملته = متوهمٍ واحسبٍ ان دينه على ديني
ياما على شانه اغلى الناس زعلته = وحطيت له منزله في قلبي وعيني
بالطيب والحب والمعروف عاملته = وبالصد والهجر محبوبي يجازينيي
ياطول صبري عليه ان كان طاولته = لاقلت هانت يزود الجرح جرحيني
ان كان طال الشقا وابطيت ما طلته = تكفون من جور حبه من يواسيني
قولو له اني ذكرته ما تجاهلته = يمشي بدمي وتنبض به شراييني
حبه بقلبي ثلاث اسنين مااهملته = من وين ماروح في دربي يلاقيني
وان مر زوله بحلو النوم قبلته = قبلة صغيرٍ تشفّق شوف غاليني
لوهي على الكيف طول العمر قابلته = ونسيت همّي وغمّي والعناويني
وعن جملة البيض باب القلب قفلته = مضنون عيني عن العالم يكفّيني
في فنه الشعر يطرب كل ماقلته = لاجيت اغنيه من شوقي يغنيني
[/poem]
،،،