السلام عليكم ورحمة الله وبركاته
اسعد الله اوقاتكم بكل خير ومسره
استميحكم عذراً على الابتعاد بأسباب مشاغل الحياه
هذه قصيده شبه غزليه في مملكتنا الحبيبه وفي خادم البيتين الله يحفظه ابو عابد وفي سمو سيدي الامير نايف بن عبدالعزيز وسوف نبقى على ولاء اجدادنا ومبايعتهم للملك المغفور عبدالعزيز ومن بعده ابنائه
ان شاء الله تنال على اعجابكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياالشامخه ياالنادره ياالجميله=ياالفاتنه ياللي زهتك القلاده
غيدا وفعيون الاوادم جليله=معك يحقق كل عاشق مراده
ولك عاشقٍ ماعاد خلى بحيله=دللك وأعطاك الوفاء من فوداه
يسوق روحه لو ظروفه ثقيله=لرضاك بعزوم ومواقف جلاده
يحميك وأنتي وافيه ياالاصيله=لو الزمن ليله ما مرك سواده
للخير فأحظانك حدايق ظليله=يلقى بها المحتاج شربه وزاده
عاشقك عاشق كل مجدن كفيله=وتراه ابو متعب ويعشق بلاده
الفارس الضرغام مروي صقيله= اللي تقهوى العز داخل مهاده
الهيصم الدلهام نادر بجيله=الابسر الهاضوم يقدح زناده
الراهي اللي مايضيع دليله=يكرم على شعبه ويعطي زياده
وإليا أرتكى للحمل كتفه يشيله=ربا مع معزي وأخذها شهاده
حتى برق برقه بصدر المخيله=وهلت مزونه وأرتقى للرياده
الشعب يفخر والفخر يرتقيله=ولو ننشد التاريخ نلقى الافاده
كم حاكم لشعبه يضوّي فشيله=ودارت عليه وذاق كاس النكاده
لكن أبو متعب كثيرن حصيله=عفو وتسامح فوق جود وركاده
أصدق من الماطر ليا سال سيله= وأوفى من الاب وغلاه ووداده
الله يعزه بالحياه الطويله=ويديمه ويجعل حياته سعاده
ويديم من يسعى لكسب الفضيله=نايف ونايف فوق وصف الاشاده
ولي عهد الدار مزبن دخيله=سور البلد فالمجد دايم شداده
على كتاب الله يحدد سبيله=ومع سنةٍ محمد قويٍ عتاده
كل المصاعب عند نايف نحيله=مهدده ومبشره بالاباده
كم طامعٍ حاول بشتى وسيله=يهدد أمان البلد ثم صاده
ودرات عليه وراح يحمل غليله=وذاق العناد اللي تحدى عناده
نايف مواقيفه عظيمه جزيله= يشهد له التاريخ لأخر مداده
الله يعزه كايد المستحيله= اللي جعل نار المشاكل رماده
درع الامن في كل يومٍ ليله=وحنا بخير وعز جنب القياده
[/poem]
وسلامتكم
شعر سطام بن سلطان بن ماجد بن فهيد
ياليت المشرف ينسق القصيده
رد مع اقتباس
