ابيات اتمنى ان تحوز على رضاكم .
ياهيامي لك غرامي
يابدر كامل تمامي
شع من بين الغمامي يذهل اللي ينظرون
انت همسي وسط صمتي ..
في فؤادي قد سكنتي
بالحسن والدل سمتي مسكنك وسط العيون
اتحير في وصوفك
وانته مخضب كفوفك
كيف لا مرت طيفوك.. تحرق القلب الشجون
السحر وسط العيون
والرمش غطى الجفون..
والحواجب حرف نون والثغر شكل السكون
والشفايف لون جمره
جمرة(ن) من عود سمره
ضي وجهك ضي قمره.. مثل براق المزون
والخشم سيف شطير
سلته تشفي الضمير
خلقت الرب القدير جل شانه من يكون
والشعر اشقر طويل
الهبايب به تميل
مثل شلال يسيل منسكب فوق المتون
جيدها جيد الغزال
نافر بروس التلال
مثل حسنك يستحال تودع العقل الجنون
لو اوصف ما وفيت
في وصوفك ما لقيت
واتمنى ليت ليت مايخيبن الظنون
هذي بعض من الوصوف
فيك ياغض الكفوف
من يشوفك ما يشوف غير أنته ياحنون
اعذريني في القصور
مني اعماق الشعور
انكتب لك في سطور منفتنبك يافتون
والتحية لك ختام
عد مارفرف حمام
اقبليها بالسلام وان غلطنا تسمحون
,وسلامتكم
رد مع اقتباس
المشاركة الأصلية كتبت بواسطة أبوعبدالرحمن
