السلام عليكم ورحمة الله
اخواني واخواتي اعضاء وزوار وادارة غرابيل الكرام
لكم مع باقات الود والورد
علّها تشفع للغياب المتكرر ....
.
.
.
الهموم .. تراود القلب الشقي عن روحه
والزمان .. اشيل دمعي للفرح ويقضّه
.
والمشاعر .. من كثر كبواتها مجروحه
مير والله ما انحنى راسي وانا اخو فضه
.
دافن ٍ همي بصدري ماقدرت ابوحه ..
كيف !! والهقوات بي مثل السما المكتضه
.
ساتر ٍ دمعي بضحكه لو غدت مفضوحه
كيف !! والشمّات بي طرف العذل ما غضّه
.
يازماني .. وانت تدري من كبحت جموحه
واستبحت احلام عمره يوم كانت غضّه
.
جاك صنديد ٍ على كفه يشيل جروحه ..
وجيته انته والظروف الجايرات وحظه !!
.
جاك قلب ٍ للعنا فيه امسيه واصبوحه
فوق سندان الطعون ومطرقتك ترضّه
.
شاعر ٍتعبت قوافي شعره المبحوحه
في زمن فيه السكوت نحاس ليته فضه ..
.
هاك صوته واقفل اذان الشماته واوحه
تدري انه حالي انفاسه غدت محمضّه
.
وان عينه كثر ما ذبل السهر مفتوحه ..
كثر ما احبابه ذوو وعيونهم مغمضه
.
وان قلبه كثر ما كان العبير يفوحه ..
كثر ماجته الظنون الجارحه منقضه
.
شاعر ٍ في حزنه دروس الزمن مشروحه
مل ترتيب القوافي والشعور يحضه
.
ماله الا يكبح شعوره ويكتم نوحه
ويتذكر فرحته واسبابها المنفضه
.
يوم كان الشمع لاحبابه وسااااحت روحه
قبل وقته يستبيح احلام عمره غضه
...
..
.
وسلامتكم
رد مع اقتباس
(الحزن الرغيد)
