[align=center]الـــغــــيــــث[/align]
[poem=font="traditional arabic,7,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياالله يارب السماء مالك أنداد=أنت الكريم اللي تباشير جوده
تاصل لها بلادٍ وتشمل لها عباد=ولاهي على بعض الحدود أمحدوده
عبدك ورى رحمتك طامع ونشّاد=ورحمتك ماهي يالرحيم أمعدوده
يالله بمزنٍ وسطه البرق وقّاد=ينشي من القبله تقانب رعوده
لأرض الحرم وأرض الرساله والاجداد=اللي مع المجد الرفيع أمعقوده
من بعد ماجفت ومنتوجها باد=ولا عاد به وادي تراقص وروده
راحت صحاري مالها الطير قصّاد=غير العجاج اللي سمك به عموده
والناس قفو وأنكفو والضماء زاد=والغيث ما جتنا من العام نوده
ندعيك ياربي على روس الاشهاد=ترحم عبادك في نهارٍ اشهوده
سحايبٍ تروي ضماء عطش الاكباد=وكلٍ يربع فالمرابع أبذوده
حتى هل الادباش ترجع بمعواد=وراع الديار الله عليها يعوده
ويسبل سنه من غرة أجماد لجماد=وعلى بلاد الخير خيرك أتقوده
بلاد من يبذل وله شف ومراد=وبانت على داره مكارم أجهوده
صقر الجزيره كايد أكبار الأضهاد=ولا هي غريبه عادته من جدوده
الله يديمه وصلّ الدار الامجاد=وصارت من أقطاب الشعوب أمحسوده[/poem]
[align=center]مرزوق بن دحيم[/align]
رد مع اقتباس
