اقررررررب شاعر يفيد ويستفيد ..

[بعيد المغازي]

الاول مشاركه واتقبل كل ناقد ..


عدد ماتهب النود يالمنتدى السامي = سلامي سلام اسلام والنيه النيه

ويامعشر الشعار من يروي الضامي = حضرنا نعس الدار وان قيل طرقيه

[محمد بن ضاوي]

حضرنا نعس الدار وان قيل طرقيه


بعيد المغازي


حياك الله وبانتظار قبيلك


متابع لكم

[قاهر الشعراء]

عدد ما تطيح شيوخ وتطيح حكّامي=هلا مرحبا ترحيبتن تدفع السيه
تقدّم ولا تتبع سرابك والاوهامي=وهدّاج يروي كل من يارده ميه

[عبدالرحمن الحميدي]

بعيد المغازي:
حياك الله بيننا.

بعيد المغازي , قاهر الشعراء :
متابعين لكم إستمرو.

[بعيد المغازي]

استلم ياغالي

يدوم البقا ياشاعرٍ طاح ثم قامي = توكل على الله كان منته بنفسيه

ترى طحت ماسميت رميه بلا رامي = بعيد المغازي بالقدم يدعس الحيه

[سعود سعد العتيبي]

صحة السنتكم

ولاهنتوا يالشعار

مبدعين

[قاهر الشعراء]

استلم ياغالي

يدوم البقا ياشاعرٍ طاح ثم قامي = توكل على الله كان منته بنفسيه

ترى طحت ماسميت رميه بلا رامي = بعيد المغازي بالقدم يدعس الحيه

انا ما عليه من سواليف الاقزامي=تحاول تطاولني وهي تحت رجليه
انا كنت احسب انّك مفسّر للاحلامي=توقّع ترى عندي دواء للحساسيه

[عبدالعزيز نايف]

ياسلام




واصلوا ياشعارنا مبدعين ومحاورة شيقة







صحت السنتكم وازهلوا صفوفكم وكملوا ماتبعينكم




متابع..

[قاهر الشعراء]

يامرحبا بالجميع
انا ودي بالتكمله مير اشوف بعيد المغازي ابتعد حيل مدري وش اللي ابعده عسى خير
اشكر جميع من حضر معنا وتحياتي لكم

[القنــــــــــاص]

يامرحبا بالجميع
انا ودي بالتكمله مير اشوف بعيد المغازي ابتعد حيل مدري وش اللي ابعده عسى خير
اشكر جميع من حضر معنا وتحياتي لكم

الشكر واجب علينا لكم , الاشاده تستاهلها أنت وبعيد المغازي بعيد المغازي ليته يكمل ...