لكل رجل مواقف
واذا الشاعر ماخدمه شعره وماكان في يده مثل السيف ما يسمى شعر
اتركم مع حروفي المتواضعه واتمنى تعجبكم
[poem=font="Simplified Arabic,4,black,normal,normal" bkcolor="burlywood" bkimage="" border="solid,4,black" type=1 line=0 align=center use=ex num="0,black"]
شعري عساني ماخلى منك واعدم = مادامت سيفي ياشعر لا تعصاني
اخذ جزيلك واترك اللي محرم = شاعر ولي هيبه واشد العناني
منهل وانا منهل وشربي من الجم = ارقي الطويله ما نزلت الطماني
واليا نخيتك ياشعر قول لي سم = مادمت لك شاعر يجيك بثواني
يذكرك بالمرقاد والحرب والسلم = ويدون ابياتك هموم وغواني
واعفي اطرافك من الكسر والضم = واسجلك من غاليات المعاني
وكل من نخاني ياشعر قلت له تم = ابشر من عيوني واحلي بلساني
ومن مد لي بالطيب مهما يقدم = برد له طيبه ولا هو مهاني
فالح وطيبي مايبي له معلم=ما اخذل واحد في الشدايد نصاني
بصرخ بشعر ٍ يسمعه قاصي الصم = ويفطن له صغير العرب والعواني
واقول يابويه عسى الناس تفهم = ما همني منهو عزم مادعاني
مالد للمسفوه واللي معمعم = وما ارافق الا من يليق بمكاني
قرم على وقت الشدايد ثنى الكم = ولف العمامه فوق راسه عماني
واللي نصاني حيلته ينقل النم = جتني علومه مع فلان وفلاني
ومن ساقلي سم ابسقيه من سم = جاني يسوقه يحسبنه بلاني
وان عودت ما بيننا واحتمى الدم = يدري بفعلي كل قاصي وداني
نزل حمولك لا تجيني متحيزم = ماينفعك من حزمك ماقواني
تثقل حموله لو يهوش وتحزم = ما ينفعه كثر الحكي واللساني
انا فعولي تفرح الخال والعم = وربعي تزلزل عاليات المباني
وابوي معروف ٍ على الجود يقدم = وطبع الشجاعه والشهامه بخواني
مالي ومال الخبل والمدح والذم = لا ماخذن مني ولا هوعطاني
واللاش لايعزم ولا هوب يلزم = نقصٍ ويحسب من طوال الاذاني
عساك ماتعزم وياليت تفهم = اني ما اروح لواحد ٍ ما دعاني[/poem]