اتمنى التفسير

[غروري عاجبني]

السلام عليكم والرحمة ..

قبل فترة قصيرة حلمت اني عروس ويوم زفافي وكنت بالفستا ن الابيض
بس محد من اهلي كان مهتم بيوم زفافي وعند دخولي للقاعة اخوي كان يقولي يلا دخلي بسرعة وانا كنت امشي شوي شوي ع اساس اني عروس وانزف بس اخوي صارخ وقالي بسرعة امشي ورحت وقعدت في المدرج اللي جالسين عليه الناس وكانت وحدة جالسة جنبي وكانت لابسة فستان ابيض وكنت قاعدة اكلمها قلتلها ليش ماتحنيتي قالت امي ماطاعت قالتلي اننا بنتاخر وهي بعدين اتحنت لين فوق اما انا شوي واريولي قالتلي موب لازم استغربت يعني موب بس انا اللي محد مهتم فيني حتى اهي وشفت امي جاية عند الضيوف رحت وسلمت عليها وكنت اصيح اني بفارقها بس اهي دزتني وقالتلي تراش موب رايحة بعيد بتردين البيت .. استغربت من تصرف امي لي واخواني وخواتي وبعدين اشوف عمري في بيت اهلي مثل ماقالت امي وكنت انزل الفستان وكنت ابا احد يساعدني بس خواتي ماكانو فاضيات لي وبس

العمر : 19
الحالة الاجتماعية : مخطوبة

وشكرا لك ياشيخي الفاااضل ^^

[غروري عاجبني]

حلمي الثاني :
حلمت اني كنت مع عمتي اللي هي من عمري وكنا في بيت جدي فجا جاء خبر بان عمي صارله حادث ومات الكل يصيح واللي يصارخ الا انا تاثرت بس مانزلت من عيني ولا دمعة وبعدين رحت انا وعماتي الثلاث واختي الصغيرة الا بيت عمي عشان انسكر البيت لان خالتي زوجة عمي مابترجع الا بعد العزا يعني بعد ثلاث ايام وكنا في المطبخ انسكر كل شي ..وبعدين كنت نايمة امي كانت نايمة عندي وكنت اقولها لاتحسبيني اني موب متاثرة بالعكس ودي اصيح بس قلت خلني اصير قوية قدامهم و .. وبعدين شفت عمري في صالة بيتنا وخالتي قاعدة وتضحك مع ان اللي مات زوجها وامي قالتلي افرشي السفرة بنتعشى قلتلها وين قالت خالتي في المجلس صرخت وقلت لا ضحكت علي وقالتلي وااايد متاثرة بموت ابوج .. وبس مااذكر الباقي

في البداية كان المتوفي عمي وفي النهاية ابوي

ابوي عايش والحمد الله وربي يطول في عمره
انا عمري 19 ومخطولة

[أ/محمدالمالكي]

الحلم الأول:

أهلا أختي /غروري عاجبني

يظهر لي والله أعلم بأنه زواج وسيكون بعده سفر قد تتأخرين عن أهلك وستكون العودة بناءا على طلبك والله والي العلم من قبل ومن بعد..

أ.محمد