[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
طير يامن بالسما تفْرد جناحك = واهنيّك ليتني مثلك واحومي
تاصل اللي تهْتوي مطْلق سراحك = مايردّك حظّ يهْفي بك عزومي
ليتني مثلك بمسراك ورواحك = للبعيد تْطول والعالي تهومي
ليت ياطير السّعدْ تقبل صِفاحك = تنْقل حروفي وتوصلها لزومي
صوب شرقٍ تتّجه باوّل صباحك = وتلْفي لدارٍ بها زين الرّسومي
اعْطه وقلْ له ترى الولهان صاحك = منك دمعه فوق خِدّانه يزومي
وخافقه يالشوق جزّنّه جراحك = بُعْدك ابْلاه بْشطيرات السّهومي
واسْأله مامن رجى؟ ياصلْ مراحك = اوْ يعرْف فياضكم لو بالحلومي
وكانه اعْطاك الرّجى ماكْبر رباحك = ابْشرْ بْمن للوعد لاجْلك يقومي
وانْ تعذّرْنا عليّ اجْزلْ نياحك = ماتردّ الا خبر موتي لزومي
شقران[/poem]