(( اغرفلك كم ياباشا ))

[ابراهيم الحمدان]

بعد السلام والتحيه والأحترام

لو سمحت اغرفلي اربعه سفري ولكن بدون ؟؟؟؟


شرشحه - مهزله - حواري - شوارع - مسخره - دجه

هذا اللي شفته من فريق الجرايد في الدوحه والمشكله
يبي ياصل للعالميه بهذا المستوى المقرف يعني ماكفاهم فشلو المملكه العربيه السعوديه في قطر لا ويبون بعد يفشلونا في العالم

الغرافه هذا الفريق الذي لن ينساه اي هلالي على سطح الأرض هذا الفريق الذي جعل قلب كل هلالي مثل الخراره وصدقوني لو سمعتو كلام الهلاليين اثناء المباراه والنتيجه كانت 3 صفر في جوالات البلاك بيري والله العظيم كأن الكلام اللي قالوه ماهو عن فريقهم قالو كلام انا اترفع اني اقوله

ياناس ياهوووه كم مره اقول لكم عيشو واقعكم الأليم والمرير

والشي اللي يضحك كتاباتكم هنا عن هذه المباراه وانا عارف انكم تكتبون حتى تشعرون الأخرين انكم لستم مهتمين بالدرس الذي لن تنسوه والذي اكد عليه موقع الفيفا وهو فريق الغرافه يلقن الهلال درسا لن ينساه

عموما هاردلك على الهزيمه ومبروك للتأهل المذل

ماهي غريبه لأنه مو اول مره يكون تأهلكم واكثر بطولاتكم
بهذه الطريقه وسلمولي على الحكم الأردني كثير السلام


تقبلو شكري وتقديري واحترامي

[عزوز]

مافهمت الهدف من موضوعك

يعنى لو انك تحب الوطن وتنقد على الهلال قلنا معذور

بس أنك تكرهه وتفكر فيه وتشوف الصحف القطريه علشانها

لهدرجه حارق دمك ..!!

ماعليه ادرى انه الهلال فجر قلبك أمس يوم تأهل بس تحمل ..

القنآص

[ابراهيم الحمدان]

بعد السلام والتحيه والاحترام

هلا والله ومسهلا بأخي العزيز عزوز

نثرت عبير عطرك هنا بين طيات كلماتي
الحارقه ايها الهلالي الغالي


تقبل شكري وتقديري واحترامي

[نـــادر]

هلال يتاهل بهزيمه عادي الي دور قبل النهائي

لكن فرق ياخذ بطولة بتعادل في الرياض فشيله ويلعب في العالمية

هههههههههههههههههه قويه

ياخي حنا ماقلنا نيسان الياباني مثلا خمسه على مر التاريخ

وخمساتكم طارت كثير ماحد دقق عليكم في الكلام

بس ذبحكم الزعيم

هدف الكاسر وطلق المحياءجابلكم صدمة نفسية

سامي جديد ياويلكم منه

الله يعينكم على زعيم القرن

[الكايد أحلى]

وخمساتكم طارت كثير

ياعيباه يا نادر
شكلك نسيت نفسك والعيب انها طلعت من عضو أدارة
المنتدى ..
اتمنى انك تعتذر عن هالكلمة

:
:
:

شاعرنا الكبير واللي اتلذذ واتابع جميع كتاباتك
وفقك الله مستوى الهلال كان جدا مقرف
من متى الفرق القطرية تواجهنا وتقابلنا الند للند
قسم بالله مهزله وأحد الهلاليين طلع مثل المهبول
يدور بالشارع وماصدق يوم اتصلت عليه وقلت تأهلت
حسيت انه فاز بكأس العالم ..
:
:
:
واللي يقول ان النصر تأهل بالتعادل
أقول يتأهل بالتعادل ولا يكون فريقه شوارع وضايع في المباراة ..
والله لولا الحظ في المباراتين الذهاب والأياب لمني الهلال بخروج مذل ..

[نـــادر]

ياعيباه يا نادر
شكلك نسيت نفسك والعيب انها طلعت من عضو أدارة
المنتدى ..


كلن يرى الناس بعين طبعه

انا قصدي ان خمساتكم طارت من المباريات

واليك القائمة وعندي المزيد

من الهلال 5__3

ونيسان الياباني 0__5

واليوفي الايطالي0__5

هزم من يونسينيون البرازيلي 8-2

هزم من الوصل 4-2 ( تمت هزيمته وجلده وضربه في

نفس الوقت كأكبر إهانة لنادي سعودي

هزم من الاهلي 5-1


هزم من الرياض 5-3


هزم من نجران 5-4


هزم من الأولمبي العراقي 5-1

عرفت ليه قلت كلامي وانا كلامي واضح

وخلك نيتك صافي

مثل كل الهلاليين

ياالباا الزعيم

وحياك الله

[مازن]

ابراهيم الحمدان

طرحك للموضوع كان غير موفق وغير هادف

تمنياتي لك بالتوفيق والسعاده وان يلهمك عين العقل بجميع المجالات

[ابراهيم الحمدان]

بعد السلام والتحيه والاحترام

مرحبا مليون بأخي نادر الروقي

اولا اشكرك على هذه الزياره الجميله
جدا جدا
ثانيا كلامك عليك وليس لك طبعا سوف
تقول لماذا بدون ماتفكر انا بجاوبك
لأن النصر عندما تعادل وتأهل للعالميه
وشرفك بمستواه المبهر الذي ابهر العالم
قبل ان يبهركم تأهل بمستوى ليس بجيد
بل فوق الممتاز وذهب وكانت الصحف حين
ذاك تتوقع ان يفعل النصر بالفرق العالميه
الشي الكثير وهذا عندما رأو مستواه هنا
قبل ان يذهب

والشي الثاني ياعزيزي تأهلت بالتعادل وبالمستوى
الذي لم ولن ياصل مستوى فريقك واحد في الميه
من مستوى العالمي
تصدق عاد اقسم بالله العظيم شف انا احلف لك بالله
وانا صادق اني ماكنت اعرف ان فيه فريق اسمه
(( ام صلال )) الا على يديكم ايها الهلاليين عندما
سحبكم على خشومكم وكسر ظهوركم ووضعكم
في حجمكم الطبيعي ووضع صحافتكم التي وضعت
منكم حينها جبل مايهزه ريح واخرجكم مثل ماتخرج
الذبيحه من المسلخ وهذا الفريق الذي لم اعرفه
الا عن طريقكم سلخ جلودكم بدون ان يذبحكم اولا
يعني سلخكم ثم ذبحكم واخرجكم من المولد بلا حمص
لا ورايحين تلعبون معه وانتم واثقين انكم بتروحون
كاس العالم وهنا قضى عليكم هذا الفريق الذي يدعى
(( ام صلال )) يااخي نادر الروقي مشكلتكم مشكله
وليست لها حل وتجيبون الكلام لأنفسكم


تقبل شكري وتقديري واحترامي

[مجرد احساس]

اول شي صحيح كان المستوى ضعيف امام الغراافه

لكن ع مر تدريب جيريتس للهلال هذي اسوأ مبااره يقدمها الزعيم

فرريق في موسمين يقدم لي افضل المستوويات ويجلب لي البطولات

وفي مبااره واحده اسيئ للفريق

اهم شي من المبااره الدرس والحمدالله جت في مبااره الغراافه و

حتى الفريق يصحح من اخطاءه

مشكور اخوي ولاهنت

[ابراهيم الحمدان]

بعد السلام والتحيه والاحترام

هلا والله وغلا بالغالي الكايد احلى

مرورك هنا يزيد موضوعي رونق
وجمال طال عمرك
اما بالنسبه للموضوع هذا واقع
والكل شاهد انا ماجبت شي من
عندي بس تصدق يعجبوني الهلاليين
في قمة المهزله والقرف ويتكلمون
بكل ثقه والله شي قوي واهنيهم
على هذه البادره الطيبه

فيه مثل اخي الكايد احلى ينطبق
على الجمهور الهلالي (( شين وقوي عين ))


تقبل شكري وتقديري واحترامي


تقبل شكري وتقديري واحترامي

[أسيــ الصمت ــر]

كبير يالزعيم ..

قال ايش قال مستوى مشرف في العالميه هههههههههههههه ..

والدليل فضيحة الخوجلي والهريفي المقرررررفه ..

تحيتي لك

[~عبدالله العنزي~]

والله انــآ من نــآآحيتيــ ماعندي شي ازيدهـ ع كلامـ اخوي ابراهيمـ

لانه كفــآ ووفـآآ والحمد لله ع كل حــآآل


ومبرووكـ للهلاليينـ المهزلهـ وعســآكمـ ع القوهـ


وبالأخــيــر وبطلــ ع ـــتـ النفسـ )) مبروكـ الفووووز ((


*_^


تحيتيـ ابراهيمـ ع الموضوع ولاهنتــ ،،،

[ابراهيم الحمدان]

بعد السلام والتحيه والاحترام

اخي مازن

يكفيني من هذا الموضوع انك متواجد هنا
وشرفت صفحتي طال عمرك ونثرت عبير
عطرك بين جدران موضوعي


تقبل شكري وتقديري واحترامي

[خــــالـــــد]

[align=center]

هلا بـ إبراهيم

إذا أنت أول مرة تسمع عن نادي اسمه أم صلال .. فكلنا ما عرفنا نيسان إلا من بعدكم !!

ولا عرفنا زين باسم ( زعبيل ) إلا من بعكم

ولا عرفنا ان الفيصلي يسجل .. إلا من بعدكم

ولا عرفنا الخمسات والستات إلا فيكم

ولا عرفنا أشياء كثيرة إلا في فريقكم .. !!

ياخي اذا بغيت تنتقد فـ انتقد بـ (ذرابة) واعرف كيف تكتب زين

والله أني متأكد وأجزم إنك كاتب هالكلام وصدرك ضايق من تأهل الهلال ههههههههههه

عادي ياخي نتأهل ما نقصكم شيء من حقكم !!

كل الهلاليين اتفقوا من الرئيس إلى أصغر مشجع بـ أن الهلال كان في أسوأ مستوياته

ولا قدّم ولا 1% من المستوى المعروف عنه .. <<< ماني قايل ان الهلال لعب على 4 نهائيات الموسم الماضي .. وإن فريقكم طلعه الهلال من كل البطولات !! << مانيب قايلها ابد ههههههههه

يا عزيزي!!
الهلال دخل المباراة وهم ضامنين الفوز والتأهل .. وهذا خطأ حذرت منه إدارة الهلال

ولكن اللاعبين لم يهيئوا أنفسهم بالشكل الصحيح

وكلنا كـ هلاليين اعترفنا بهزالة المستوى .. مو مثل غيرنا يتعذر إنه مجلوووود

ولا بالتحكيم .. إلخ من الأعذار الخاوية !!

الا بســألك ..

وينك عن مستوى الهلال أمام الغرافة في ستاد الملك فهد .. وكنا نلعب على حارس واحد << كأننا في ملعب مدرسة ؟

كم هجمة ضاعت من الهلاليين ؟؟

وكم هجمة للغرافة في المباراة كاملة ؟؟ ههههههههههههههههه

يا أخ إبراهيم .. أحترم فيك نصراويتك .. ولكن ياليت تكتب بـ عدل وبـ منطق !!



[/align]

[نجم العتيبــــــي]

أبراهيم

انا بختصر لك

قال المثل ( الاولات هي الروابح )

هذا الزعيم الله يصلحك بس ابي انصحك خلك مع فريق ضد التحكيم دائماً يكون احسن الك علئ شان اذا سئلك احد لش ؟؟ انهزمتوا قل التحكيم!! ليش طلعتوا من الدوره؟؟ قل التحيكم !! ليش ؟؟ ليش ؟؟ ليش ؟؟ .......... الخ الجواب التحكيم