يا كثر ماهم عن هواك انصحوني

[أبوعبدالرحمن]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تحرص على حق الحبايب عيوني =وأنته على حق الحبايب تجرّا
خليتني أشيل وأعزف لحوني=وأشيل لي لحنٍ على البال مرّا
( يا جرّ قلبي جرّ لدن الغصوني=غصون سدرٍ جرّها السيل جرّا )
قلبي جزع وأغلى الخلايق جفوني=والحب كنّه من قصيدي تبرّا
والناس قالوا عن غرامي جنوني=والحزن في وسط الضمير استقرّا
يا كثر ماهم عن هواك انصحوني=ومن هو يحبك لا حشا ما يسرّا
تطعن وأقبّل من غلاتك طعوني=تشكي وأجي وأقول فيني تذرّا
ما هو غريب اليوم تمشي بدوني=لأنك على جرح الولايف مضرّا
مانيب قايل في حشاه ادفنوني =ألا ادفنوني يا مخاليق برّا
[/poem]

[سـامـيـه]

يسعد صباحك ابوعبدالرحمن
عالقصيده الجميله والمعبره
يبيلها من يغنيها
صح قلبك ودااااام حرفك

[محمد بن ضاوي]

ما هو غريب اليوم تمشي بدوني

لأنك على جرح الولايف مضرّا

مانيب قايل في حشـاه ادفنونـي

ألا ادفنونـي يـا مخاليـق بـرّا

الله الله يابو عبدالرحمن


الف صح لسانك ولاهنت

[كاسب العز]

صح لسانك وقلبك

لاهنت

[حزام بن مانع]

ما هو غريب اليوم تمشي بدوني

لأنك على جرح الولايف مضرّا

مانيب قايل في حشـاه ادفنونـي

ألا ادفنونـي يـا مخاليـق بـرّا

كفو يابو عبدالرحمن وصح لسانك ورحم الله ابن عمك الدجيما رحمه واسعه

[غلا الروح]

وانا ايضاً جااااااااريتك في اللحن

خليتني أشيل وأعـزف لحونـي

وأشيل لي لحنٍ على البـال مـرّا

( يا جرّ قلبي جرّ لدن الغصوني

غصون سدرٍ جرّها السيل جرّا )

لجماااال ماكتبت وملامسته للمشااعر
لاهنت استاااذي الفاااضل
لك مني اجمل التحيه
ودي قبل ردي