قصة معاناة ..!! الى متى

[د/ روميو]

السلام عليكم ورحمة الله وبركاته

جميعا يسعدكم ربي ،

انا اليوم ابي احكي لكم قصتي ، وابي منكم حل ..

لانه انا حالتي النفسية متحطمه الى ابعد حد ،

...................

انا خالد عمري 22 سنة ، ادرس تخصص طب اسنان 4 سنة ،

البداية :
تخرجت من الثانوي بنسبة ممتازة -ولله الحمد-
دخلت طب اسنان ..
كانت الدراسة حلوة ..وكنت مجتهد ..
بس كما تعرفون ..الكليات الطبية ..مختلطه ..
وهنا بداية المشكلة ..
تعرفت على مجموعة شباب معي في نفس الكلية ،
وكانوا ممن ابتلاهم الله ..بحب النساء ..لابعد حد ..
وخصوصا انه -البنات-يدرسوا معنا ..ونشوف بعض في الحرم الجامعي ..ونجلس معهم وضحك وسواليف ..
انا استمريت معهم ..الخ ..

وتطورت العلاقات وتنوعت ..على مدى سنين الدراسة ..

/

وانا الحين امتن الله علي بالتوبة >ادعو ليا بالثبات<

وحافظت على الصلاة ، وحسنت علاقتي مع اهلي ،

،

بس المشكلة ..انه نفس اصحاب وصاحبات السوء ،
يدرسون معي في نفس الكلية ..ويتكلمون معي ليش تغيرت علينا ،
ويحاولون يرجعوني للطريق الخطأ ،

لدرجة ان بعضهن ..اقسمت بالله انها لن تتركني في شأني ..


وانا حالتي النفسية على الزيرو ،

ومو عارف ايش اعمل ..

وحاولت انقل من الجامعة لجامعة ثانية ..بس النظام مايسمح ..!!

ودفعني القدر لكم ..وابي منكم المشورة والمعونة ..

فرج الله كربتكم ويسر لكم اموركم ..


خالد

[بدورتي]

وعليكم السلام ورحمة الله وبركاته
اول شي مرحبا فيك وحياك دكتور نورت المنتدى ...
ثاني شي الله سبحانه وتعالى يقول (ان كيد الشيطان كان ضعيفا) وشياطين الانس والجن تحاول بشتى الوسائل انها تبعدك عن طريق الخير وانت عملك دكتور يعني راح تقدم خدمه عظيمه لمجتمعك ووطنك وبأذن الله بتكون قد المسؤوليه وانت ماشاء الله من خلال كلامك مبين ان فيك الخير الكثير.. والحمد لله ان ربي هداك ولجأت لطريق الصلاح والهدايه قبل يحصل شي لاتحمد عقباه ولك في الدكتور خالد الجبير وعبد المحسن الاحمد اسوه حسنه هم اطباء لاكن شوف تعلقهم بالله تعالى ....اثبت ولا يأثرون عليك ابد واسأل الله تعالى ان يوفقك لمافيه الخير وان يبعد عنك اولاد وبنات الحرام وان يشغل كل من اراد بك سوء في نفسه ويجعل تدبيره تدميرا عليه ... نصيحتي لك حافظ على صلاتك با المسجد مع الجماعه وخاصه صلاه الفجر لان من صلى الفجر في جماعه كان في ذمه الله ... حافظ على معدلك واجتهد في تحصيلك العلمي ... حاول ان تقوم الليل لو بركعه وادع الله في سجودك بأن يحفظك من كيدهم..واخيرا لك مني اخلص الدعوات واصدق الامنيات با التوفيق .... اختك

[ناصر الراشد]

الله يثبتك يالغالي

شوف يالغالي بصراحه كثر الطق يفك الحام لكن انت خلك جبل مايهزك ريح

طبعاً الموضوع يعود على قوة الاراده لديك وتحملك وصبرك وهذا بلاء من الله سبحانه وتعالى

لكن بما انك تقول انه بعضهن

اقسمت بالله انها لن تتركني في شأني

شوف النوعيه ذي ماتقدر تسكتها الا اذا كسرت عينها

وافضل طريقه لكسر عين هالنوعيه هي التبويخ قدام الزملاء بطريقه استفزازيه وتحقير وصوت مرتفع

هنا راح يحترمك الكثير وخاصه من هم على شاكلتها

ولاتصير منعزل مره عن زملائك خلك طبيعي ولا تصير مثل بعض الاخوان الملتزمين هداهم الله متشددين الواحد لما يلتزم ينظر لصحابه انهم فاسدين واصحاب سواء وياخذ موقف منهم بالعكس لابد انك تحصل لك مجموعه محترمه وتقدر وضعك وصدقني هم يعتبرون مكسب لك من ناحية الحفاظ على التزامك وبإمكنك ايضاً انك تغير بعضهم وترده الى طريق الحق والهدايه ..


بالاخير هذا اختبار من الله سبحانه وتعالى ولابد انك تجتاز الاختبار كغيره من الاختبارات التي تقوم بها بدراستك لكن النتيجه افضل بكثير من غيرها هو الاجر من رب العباد ولا تضيع مستقبلك علشان بنات الله يهديهن يارب

وللمعلوميه نعرف ناس كانت تدرس بالخارج وماشاءالله عليهم ملتزمين ودراستهم كلها اختلاط بأختلاط وتعال شوف البنات اللي معاهم تغنج وتميع وملابسهن كاشفه وفاضحه وانواع الحريه و و و ... الخ

لكن صابرين ومحتسبين الاجر عند رب العباد والنتيجه تخرجوا بأفضل النتائج والحين هم موظفين وماسكين مراتب عاليه ومتزوجين وبأحسن حاله ..


انت خل ثقتك بالله كبيره ثم بنفسك ولا تيأس وقوي عزيمتك بالاذكار والقران وان شاءالله كلها ايام وتنتهي من الدراسه ويوفقك الله ولاتنسى حديث الصادق الذى لاينطق عن الهوى رسولنا الكريم عليه الصلاة والسلام قال

( من ترك شيئا لله عوضه الله خيرا منه .. )


اسال الله لك الثبات والتوفيق والهدايه والصبر ..

[ريـمـانـاآ]

الله يثبتك ,,

وماشاء الله الاخوة اللي قبلي كفوا ووفوا ’’

موفق ان شاء الله ’’

[طالبة قانون]

اسمعني ياخوي....
ان كيدهن عظيم.......حلو بس بقولك شي انصح للمليووون مرة
مافاد معهم ولا جاب نتيجة....لاتتخلى عن مستقبلك عشانهم وان سألوك قلها با الوجة واللي مايعجبة يشرب من البحر... خلهم يعرفون انك جاي تدرس مو تلعب وبعدها بيتركونك اذا شافوك جدي في الموضوع...ادرس..حصن نفسك...ووكل امرك للي عينة ماتنام ...وتحت الله وبين يدية...

[قيـس]

وعليكم السلام


ماقصروا الشياب وقالوا أشياء أكيد تنفعك

بس أتزوج ......خل أهلك يخطبون لك وبالتوفيق لك وللجميع

[fatmhali]

موفق بإذن الله الله معك توكل عليه

[جميل الثبيتي]

السلام عليكم ورحمة الله وبركاته

الحمد لله الذي انار دربك واعادك للحق فمن وجد الله لن يفقد شيء ابدا
القضية قضيتك والهمة همتك والحل بيدك فقد عرفت الشر وعرفت الخير
فإي الفريقين تختار القوة قوة الحق والهمة همة الرجالومن تعرفت عليهم
زبالة وأزيحت عنك بريح المسك والعود والعنبر
تمسك بدينك تنجوا واقم صلاتك تسعد وابعد عن كبائر الذنوب لترقى
كشر انيايبك في وجوههم وتحدى كبيرهم قبل صغيرهم وادعوهم للحق لعلك تكسب
اجرهم وتامن شرهم الخير امامك فحافظ عليه