[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
الى من بذرت الخير لاتحري الجنا = ترى الخلق غير الخلق والوقت مايل
تشوف العجب والقهر من غالي الضنا = الى من تنّكر ماقنته الجمايل
بعدما غذيته يوم ترجيه للعنا = لقيته غراب البين للحقد شايل
غصن كلما مال الهوى مال وانثنى= ربوّة عجوزٍ تفتله للنكايل
اذا من نظرت الشكل والهرج تفتنا = واذا من بغيت العقل ما له دلايل
فلا هوب ورعٍ تضربه كود يوزنا = ولا هو غريبٍ تتركه والعمايل
فعيبه يعيبك دام بالإسم يقرنا = ولا لك سوى تصبر لصال القوايل
فمهما حصل منّه تحمّل من العنا = الى يوم تدفن واسبقه بالفضايل
لعلّ برماده جمرةٍ يوم تؤذنا = تحرّق خبيث السم وقت الصمايل
إلى من بغيت الزرع يسعدك بالمنى = تخيّر لبذرك تربته والسلايل
ولا تنخدع بالأصل والفصل والثنا= ترى النار ترث ما خبث من زبايل
واذا من بلاك الله مع الداب تسكنا= تحرى اللدغ منها بخبث الحبايل
الى طحت عاجز تدفنك قبل تدفنا = تشوف الأسى والقهر ماله مثايل
تدارك سنين العمر من قبل تطعنا = بلحظات ضعفٍ كنك جدار مايل
فدارٍ بدل دارٍ ولا يوم تحزنا = على ما مضى فالعمر ماله بدايل
ولا تترك الحاقول للداب يشحنا = وتسقيه سمٍّ يتعبك بالفشايل
فخله معك يبراك الى يوم يعلنا = زواجه بحمد الله ما به خمايل
ولكن تذكر قبل مايوم تغبنا = جمايلك في يومٍ تجي لك وبايل
من اقرب قريب لك ولو كان لك ضنا= مدام الزمن انهى سلوم القبايل[/poem]
رد مع اقتباس
