إن الهاتف المطلوب لا يمكن الإتصال به الآن
و أنا و الله يا عالم كرهت الحب و احواله
مدام اللي تمنيته قطع وصلي و نوى هجران
علام الخل ما يسئل و مقفل دوم جواله
رسايلنا تجي و تروح و خلي ما ظهر أو بان
و المشكله أنه بعيد و لا كرمني بإتصاله
أفرح لا دق جوالي أحسب أنه علي ولهان
و أقول آلو من الفرحه و أنا حالتي حاله
و يطلع شخص يبي فلان و أقله للأسف غلطان
صحيح الحب يلعب بي و ظروف الوقت محتاله
ذبحني الحب يا قلبي و أنا و الله بشر و إنسان
دخيلك يا زمن قلي وين الحب و آماله
انا أشتاق و أتألم و أدور في الحزن خلان
أنادي خلي الغايب عسى الأفراح تنخى له
و إذا هزني شوقي لحبه و الضلوع أوطان
راسلته الين يقول تم إرسال الرساله
و أظل أجلس عساه يرد و لكن ما شعر وجدان
طفت شاشة الجوال و خلي ضاوي جواله
فواتيري تعل القلب تصك بحدها الألفان
و هو يطلب ابي اشحن رصيدي و العقل داله
أذكر مره قد جاني حسبته ملتهف شفقان
يقول يا صاحبي و الله ضاق القلب بأحواله
أبي منك معونه و أنت بكل أحوالك العوان
و أنا في داخلي أسئل غريبه عاد بسهاله
و أخيراً بعد ما طول بهرجه و أستراح و دان
طلع يبغى جهاز جديد و يغير نوع جواله
أنا ما قلت هالدنيا عنيده يا بشر ما كان
ما كان بامكاني أصبر و أنا حالتي حاله
هذا الهاتف المطلوب مغلق إلى حد الآن
الا من هو يبيع الصبر و كل العمر يهدى له
رد مع اقتباس
المشاركة الأصلية كتبت بواسطة كاسب العز
