[align=center]السلام عليكم
جديدي موجهه للاخ العزيز والشاعر سعد ابن جدلان الاكلبي ،،[/align]
[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راكب اللّي من حفيزه بهبهاني = جمس رفرف يعجبك بدي وغماره
خمس ميّه يقتفيها رقم ثاني = احدعش اتزيد في عيني وقاره
حجم ماطوره محرّم بالمواني = امنعوا تصديره الا ،، للوزاره
ما اسمحوا له لين صّدر له بياني = بامر سامي صدّروه امن الاماره
ثم نادوا صاحبه قبل الاذاني = ياخذه قبل الصبح يطلع نهاره
ما املكه الا الحصان ابن الحصاني = واحدٍ مطنوخ وسنافي وطاره
يوم دق السلف كنّه يا خواني = يسبق المفتاح قدحه للشراره
كن صوته فحل ذودٍ للعماني= لاهدر والقيد حدّه عن بكاره
لاعطاه البنص ياخذ فالمكاني = سجةٍ منها الكفر يردم زباره
ولاعطاه اثنين زاد ابه الجناني = من حَمَار اقزوزه تشب الزقاره
مثل حرٍ شايفٍ برقٍ سماني = شافهن في صيهدٍ دونه قراره
ماخذا في هدته اربع ثواني=رددو فعلٍ فعله اهل الصقاره
ان عرض لك مهر فايز بالرهاني = وان عقبته ما تشوف الا غباره
ولانطح نور الشفق والليل داني = يختلط لون الشفق ويّا حماره
مدبل السستات ومضمن ضماني = اربع الرصات نسته الحراره
سايقه له بخص بسهيل اليماني=كل نجمٍ عارفٍ دورة مداره
لا رقد في مرقده نسل الهداني = للخطر سايقه معلن انتحاره
برسله في لازمي ذرب اليماني = صوب رجلٍ ماتغيره الحضاره
الرفيق اللي هجوسي له خذاني = من سلايل لابتٍ لاقيل غاره
يحتمون الجار وديار العواني = الوفا والطيب فيهم والنعاره
فلاوصلت ديار بيشه والمباني = للشقيقه وجهت الجمس ومساره
يم ابن جدلان كساب الثماني = راعي الوقفات والطيب وشناره
بلّغ القرم الوفي على لساني = السلام وامنياتي بازدهاره
ولاخلص واجبك بلّغه امتناني = سلمه خطٍ نبي فيه استشاره
من عميد الشعر في بحرالمعاني = من خيال الفكر من نهر الاثاره
بوح فكره ما يبي شاهد عياني = في بحور الشعر له سفن وتجاره
ياسعد والبحر له حد ومواني = وانت مثلك ينقض ارموز الاشاره
البلا من حاجتين ومن زماني = وأبيض الصدق اختلط ويا سماره
اختلاف الحل والله ما عطاني = غير ضحكة سن تكشف عن شعاره
وسلامتكم [/poem]