تسرعت بغلاااك ...
عطيتك حقك الزايد لقيتك ماتشيل الزود
كثير التضحيه لجلك مع الحقران متشابه
تسرعت بغلاك وصرت لافايد ولا مفيود
فلت حبل الغلا واخطيت ماجودت مقضابه
غلاك اعمى عيوني صرت مااميز من الموجود
جليسي لو زعج لي الصوت مارديت له جابه
ومادامك صرت لاناشد على حبي ولامنشود
ابركب قارب النسيان وكلن يتبع ركابه
انا مانيب لك ... ساق القدر لك الحظي المقرود
من بلادي عبرت ابلاد لجل اصلك باغصابه
ووصلتك متعب نفسي ولجلك باذل المجهود
ابجلس قاصد الراحه شقا الايام غلابه
نويت ارتاح وعمر ادم بيدين الواحد المعبود
تجيك اليوم ولا باكر الايام جلابه
وعقب رحله طويله حاجب شوفي نعيم العود
تواجهنا وكن الكون ماغيره تمشابه
دعيته استرح جنبي عسي ماللحسود وجود
عيون الحاسد الحاقد حلايا رماح لهابه
خذ اجلالك وغط ادخل علي الله هالعيون السود
جمالٍ يفتن المخلوق بالله زود حجابه
تغط بغطوة الرحمن واهمس همسك المعهود
ابسمع لو هلا منك بقايا العمر يغدابه
على شوفك سبقت اللي لمس قرب الظنى المفقود
يسوق اخطاه بيضمه بيشوفه بتحفوى به
او كني من ضرب وجه الطريق المظلم المسدود
هليك القيض والمضمى بعيد وورد اركابه
عليك الشوق يسبق خطوة الطارد مع المطرود
وبعد يشبه مدابيس الظلام بليل نهابه
تبسم ناكر العشره بضحك الصد والمنقود
وقال اطلق يدي مالي بدربٍ سكروا بابه
قطع بين الرجا والصدق حبل للوفا ممدود
كبير في فؤاد اللي عمته اوهام كذابه
الاياملوعٍ قلبي وعدك بيومك الموعود
علي ثورت ميلات الزمان وكشر انيابه
كبيرة صدمتي واصبحت مثل الحاير المضهود
مثل من عاند الدنيا بلا جدوى ولا لابه
عليه انت والواقع ومايل حظي المجحود
تساعدتوا على من لا يحسب زلة احبابه
حقيقه منت لافايد ولا انت بتستحق الفود
كثير التضحيه لاجلك مع الحقران متشابه
للشاعر العذب : خالد الفهد ...
رد مع اقتباس
المشاركة الأصلية كتبت بواسطة كاسب العز
