[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا زمن صد بعيونك لا تشد الانتباه =وياحبيبي راح خوفي دام أنا موجود فيك
كنت ميت خوف لكن عوّدت فيني الحياه =وكنت أفكّر في مصيري قبل أعزّم وألتقيك
المكان اللي حضنا أنت أغلى من وطاه =والزمان اللي جمعنا كان مثلي يحتريك
والتقينا وكل قلبٍ يهدي الثاني غلاه =وما شعرت إلا يديني لامست راحة يديك
واندهشت لزود حسنك والخفوق أبعد مداه =و ما صحيت لغير صوتك يوم نادى : ما عليك
قلت في نفسي لزينك جل من سوى حلاه =قلت أبيك ... وقاطعتني نظرتك .. قالت : أبيك
قلت هاه؟؟ ويوم شفتك , صارت الكلمات آآآه =وكل عرقٍ في خفوقي صار دمه يهتويك
والمصيبة ثغرك اللي يخفي السكر وراه =قلت أجيك ,, وقال ثغرك أنت أقعد وأنا أجيك
قلت آمر ,, يوم حكيك كل إحساسي خذاه =كن قلبي صار شعبك ,, وأنت أشبه بالمليك
قمة الفرحة تجي لا صار كلٍ مع هواه =واللقا ما بيننا من فرحته ماله شريك
موعدٍ خاف البداية ,,, ليت يبعد منتهاه =ما بديتك يا حبيبي ,, كيف أفكر انتهيك
آآآآه يا موعد لقانا ما اعتقد قلبي نساه =ليتني أملك زماني لارجع اللحظات ذيك
الزمن صد بعيونه ,, بس شد الانتباه =كيف هالعالم قرتني دام أنا موجود فيك؟ !!![/poem]
رد مع اقتباس
