مشكله حيرتني ...

[ود الورد]

صباح الخير عالجميع

يااخواني اعضاء وعضوات المنتدى

والله اني سهرانه الى ذا الوقت مع صديقه عزيزه علي

حيرتني بمشكلتها وحبيت اطرحها عليكم لتشاركوني برايكم


صديقتي انسانه ذات شخصيه قويه وهي عمرها 29 سنه

في ظروف معينه يطول شرحها تعرفت على شخص باحد المنتديات

وطبعا تواصل معها عالمسن ,, وكانت تقضي معه ساعات طويله عالمسن

وانعجبت بذا الانسان واتفقو عالصداقه .

والعلاقه استمرت حول ثلاثه اسابيع ,, ويغيب ذا الشخص


....,, لأول مره اشوف صاحبتي بذا الحاله ...انقلب حالها


ضعفت , شحوب غطى ملامحها , صارت ماتاكل , وتسهر

ادمنت المنتدى الي تعرفت عليه فيه

كنت اشوفها تتعذب

كنت اشوفها تبكي


صاحبتي انسانه عاقله وفاهمه ,, مدري وش صار لها مع ذا الشخص

وكنت اقول لها تبكي على مين ؟؟ !!! انسان عرفتيه عن طريق نت

ترى ماله داعي الي تسويه .

بس لا لا ..مافي ولا كلمه من كلامي اثرت فيها


كانت ترد ,, اكيد صار له شي

والله الي يشوفها يقول اخت ميت اخوها .. كل تبكي و انعزلت عن الناس



المهم ذا الشخص غاب شهر ونص ,, ورجع


واعتذر وانه كان عنده ظروف وصاحبه توفى

وسامحته ,, و استمر التواصل ,, وتطور للتلفون

وكلمها مكالمتين ولا ثلاث


ويغيب بعدها وقفل جواله ولا يزور المنتدى

يعني مافي اي شي يوصل له .


في هالمره تماسكت نفسها ,, هي صدق في البدايه تعبت

بس اخذتها عزة النفس ولا اتصلت ولا سئلت فيه

,, بس والله كانت تكابر لانها بين كل فتره تدق علي

تبكي تقول مدري عنه وش فيه ؟

وانا كنت مرره قاسيه معها بالكلااام

احاول اقنعها بالوهم الي هي فيه .


بس الي صار مأخر فعلا حيرني حتى انا معهاا


بعد غياب شهرين وعشره ايام.. يرسل لها رساله عاللايميل


يشرح لها عن حبه ووده لها


وبعدهاا جاها عالمسن وثمن التلفون

بس هالمره غير .. رجع لها عاشق ولهان


يعترف بحبه وغرامه لها ...

يعني اسلوبه غير .. يكرر بكل مناسبه كلمة احبك

يعني صاير عاااااااااااااشق بقوه .


وكلمتني الفجر خايفه

ولما سئلتها من وشو خايفه ؟ هذا الي تتمنينه انه يبادلك شعورك


ردت تقول :

اخاف انه يكذب مايحبني وانه يمثل علي لهدف بنفسه !!

لانه رجعته وتصريحه بحبه ,, مخوفني >> علما انه سابقا مصرح بحبه .اقصد قبل غيابه

بس تقول هالمره غير

يحلف بحبه ..

وهي من زود حبها له تخاف تصدق .. وتكتشف بعدبن حقيقه مره تكسر قلبها


وش رايكم ؟

وفي سؤال ماعرفت له اجابه ...


كيف اعرف انه يحبني فعلا ؟؟


هل فعلا في اشياء تعرف بالمحب



وش رايكم يااخوان هل تصدق وتعيش هالحب

وكيف تتأكد انه يحبها


انا صراحه عجزت اوجد حلول لها لانسانه

لاني اعرفها اتم المعرفه وعارفه شخصيتها

وبحياتي ماشفتها بهالضعف ولا انها عاطيه رجال اهميه .

مدري وش جاها هل هذي انتكاسة الثلاثين ولا شي طبيعي



ومشكورين مقدما

[غرابيــل]

هي مهبوله,,

الدور عليك انتي,,,,

الحقي عليها لاننا ماندري وش نيته من ورى الشاشه,,,

قولي لها تخاف من ربي وتحمده انها باقي مستوره,,

لاتسوي شي وتندم عليه,,

وانتي الله يعينك لازم تبعدينها عنه على قد ماتقدرين,,,

قولي لها تحفظ نفسها وسمعتها هي واهلها لان مافيه احد راح ينفعها,,

بعدين على فكره مافيه اي شاب رآح يتقدم لوحده عرفها من منتدى او شات او ايميل اكيد مابيرضاها لنفسه انه يأخذ وحده كلمته من قبل لانه بيعرف انها تكلم عشره غيره’’مثل ماكلمته,,


وهي عمرها كبير واكيد هي متعلمه وفاهمه وتسمع وش يصير من قصص ومآساي,,,



والله يحمينا ويسترنا جميع,,,

[Aqua Butterfly]

قولي لها تقوله اذا يبها ويحبها فعلا يتقدم لها ويخطبها ويطلب يدهل لزواج ولا تكلمه تقولهه اذا تبيني انت تعرف كيف تجيبني ولا ترد عليه واذا فعلا هي تبيه تتزوجه وبتشوف اذا كان صادق او لا هذي نصيحتي

[**عشــق البــدر**]

السلام عليكم ورحمة الله وبركاته
اختي ود الورد

كل شخص تفكيره غير عن الثاني يعني ماقدر اكلمك على انه شخص كذاب
يمكن يطلع صادق وماقدر اكلمك انه صادق لانه ممكن كذااااااااااااب
بس بقولك الي عندي
انا الي فهمته ان صديقتك عمرها29 يعني قربت على 30واغلب البنات لاتعدت 23وماتزوجت تخاف
يمكن صديقتك مو تحب ذ الولد بس تعلقت فيه تخاف تدخل 30وهي باقي ماتزوجت
هي تحس بداخلها في نقص وذا الشخص باهتمامه كمله لها
انا اقولك اعرف قصه قريبه من قصة صديقتك
وفعلا اختفى عنها الولد فتره ولما رجع قالها انه يحبها ويموت بحبها وانه حاول يتركها
عشان يحاول ينساها ويبغاها تنساه بس يقولها انا ماقدرت انساك والله حاولت
بس ماقدرت بس هو كان عنده استعداد يتزوج بذي الطريقه وفعلا خطبها
انااشوف تقوليلها
تقوله انهم يرتبطوا وتشوف رده ومنه انتي احكمي وخليها تحكم لانه ماعتقد هي صغيره
مافي شي يخليها تنتظر
واذا بيقولها يكون نفسه يقدر يكلم اهلها ويكون كل شي بينهم بطريقه صحيحه مهما كان
طريقتهم غلط
ولو كا صادق ونيته الزواج ربي راح يسهل كل شي معاه
اتمنى اكون اعطيتك شي تستفيدي منه بس والله مشكلتها لها ابعاد وحدود مختلفه
الله يكتب لها الخير ويهديها لصواب
تقبلي مروري

[غـــربة الــروح]

ماشاءالله مع كل غياب يرجع باسلوب غير الاول

قولي لها تتعوذ بالله من الشيطان

ان نجحت علاقة عن طريق النت فهناك عشرات العلاقات فاشلة

وكلها كذب وخداع × كذب وخداع

ما بني على باطل فهو باطل والله ما راح تستفيد من هالذئب البشري الا العار والشنار

ثم من عمرها ليست بالساذجة والصغيرة اكيد قرأت عن خداع الشباب

فلا تكن بالسهله ولا تكن بالسلعة الرخيصة سرعان ما تستجيب


الله يريها الحق حقا ويرزقها اتباعه والباطل باطلاً ويرزقها اجتنابه

ويعينك على مساعدتها لتتجاوز محنتها باذن الله تعالى

[мαηѕoя]

،‘

ما بني ع باطل فهو باطل

انصحي خويتك .. بتقواء الله و عدم الاستسلام لمشاعرها و ان تحكم عقلها

خويتك عمرها 29 و قويه شخصيتها ..

كيف بعد هذا العمر تستسلم للوهم و تحب واحد ما عمرها شافته

و لا تعرف عنه شيء سواء مشاركات بسيطه في المنتدى

و يمكن كلام مدح به نفسه لها و هو كاذب

(( .. لا حول و لا قوة إلآ بلله .. ، الله يهدي بنات المسلمين لما فيه الخير .. ))

،‘

ود الورد

شاكر لك طرح هذه القضيه و اتمنى ان تستفيد منه زميلتك

بأنتظار جديدك

،‘

[وجن محمد]

,



خويتكـ غلطانة الف مليون مرة وانتي تشاركينها الغلط ..

وانا بجد ماادري وين عقولكم ليه ماتستخدمونها ؟؟

اي ثقة ذي واي حب اللي بهالطريقة ؟؟

اذا ماراحت في داهية وراحت وطــي ولا لا تسميني رحيل لو استمرت في هذه القصة الوهمية وهذا الحب الكاذب !!

بالله عمرها 29 سنة وهذا تفكيرها ؟؟ وانتي جاية الله يهديكـ تقولين ابي حل لها ؟؟؟

الحل بكل بساطة تشيل هذا الوهم والهبال من راسها وتكون على ثقة تامة بانه كذاب ولعاب وانا ابصم بالعشرة وانا مااعرف هذا الادمي ومتاكدة اني رايي في محله بانه كذااااااااااااااااااب !!

وياليت لو تزورين منتدى الاخبار وتقراين انتي وهي قصص الشباب مع البنات والماآآآآآآآآآآآآآآآآآآآآ آآآآسي الغير طبيعية الحاصلة جراء هذه العلاقات المشابهة ..



,

[أنـ الذكريات ـين]

صدقوا
مابني على باطل فهو بااطل

وكونها وصلت 29 هذا شي يحسب في رجاحة عقلها واتزانها
يعني اللي بعمرها فاااهمة الدنيا زين وعاارفه أن ماورا علاقات المسن فايده

وعمرها مايبرر تصرفها أبدا
وبعدين أي حب هذا اللي تدوره زميلتك
بغض النظر عن نية الولد
خل نقول انه يحبها والحب أعمى تزوجها وبعدين .. الشيطان شاطر صدقيني مستحيل يثق فيها واذا ماوثق فيها فالله من المشاكل بتصير والنهاية طلااااااااق
ولو قلنا انه نصاب وماعنده سااالفه _وهذا الأقرب_ والله مايخليها خصوصا انها بدت تنجرف له _اولها مسن وبعدين تلفوون طيب وتاليتها_

وبعدين انتبهي انتبهي انتبهي تشجعينها باي شكل من الاشكال حتى لو قال انه يحبها
ترا والله لو صاار شي للبنت الله لايقدر تتحسفين قد شعر رااااسك

نصييحه
خليها تسجل خروج نهائي من هالمنتدى وتغير جوالها وايميلها
أدري انها صعبه بس ماشاء الله هي موب صغيره وتدري ان هالشيء في مصلحتها 100% ان شاء الله
والله يعينها ويلهمها من الصبر ماتقوى به على نفسها

الله يهدي بنات المسلمين وشبابهم
ويكفينا شر الفتن

[طيف]

بالله كم مرة قلنا وسمعنا مسسسستحيل علاقة عبر نت جوال أو غيره تبي تستمر

هم ذئاب بشريه يبي منك شي واحد يبي يستغلك وبس

مو يبي يكلمك علشان سواد عيونك لا ياحبيبتي مادرى عنك ولافكر فيك ولامريت على باله لحظه

بس شافك سعله خفيفه تمشي في يديه على مايبي أستغلك ولعب في عقلك

والا صدقني يبي يجي يوم ويتزوج ويأخذ بنت أصل وجود ماتفكر بالأمور لأنه يوثق فيها ويعيش معها بسعاده امـا أنتي يبي يشوفك خنتي أهلك من قبله من بعدين تبي تخونينه ولاراح يوثق فيك تربين أبنائه وبناته ..

الله يهدي كل ضال

[ود الورد]

اشكرر جميع الاخواان والاخوات الي شاركوني موضوعي

وربي يجزاهم كل خير

وانا ماطرحت الموضوع الا لأني معايشه صاحبة القصة

ولأنه المشكله حساسه جداا ,, ومحتاجه حكمه وتأني

حبيتكم يااخواني تشاركون وتسمعوني افكاركم


فصدقوني الوضع حساس جدااا

لانه هي تدري وكانت دايم تقول وتنقد شبابنا وانهم لعابين

بس زي ماقالو ,, كل بقلبه شقى ليله

وصاحبة المشكله تعاني معاناه صعب طلق احكام سريعه

انا الي اشوفه بعيني يقطع قلبي ويخليني ارحمهاا

لانه لما انسان يوصل لذا السن وهو طول عمره مثال لللاستقامه

والانضباط ,, وكانت مرجع لنا بحكمتها في كل المشاكل

صعب لما تشوفين جبل شامخ ينهار قدامك وانتي واقفه تتفرجين

فمابالك انه هالشخص انسان غالي عليكي

فأتمنى تقدرون موقفي وتعاطفي مع صاحبتي

فليس لاني مؤيده تصرفاتها ولا موافقه عالي يصير ,,

ولكن الموضوع اكبر من اطلاق احكام قاطعه

[ود الورد]

سفيرة الشوق >> اشكرك اختي

دلوعة العين >> الله يوفقك يااختي


بس يااخواني المسئله مش انه يتزوجها ولا لا

اقول لكم صاحبتي مهوووسه ,, خلاص حبه سيطر على كيانها

يعني مش وقته نتكلم في زواج ولا لا

حنا بدايه نبي نعرف صدقه ونيته طيبه

كلكم عارفين انه البنت اذا حبت تحب من قلب

وتكون معطائه وعميا بنفس الوقت

فانا ماودي انه تكون بذا المشاعر الجياشه وهو يلعب بهااا

لانه والله راح يقدر عليها حتى انا صاحبتها ماراح تسمعني من بعده

[ود الورد]

just my >>> اشكرك يالغلاااا

وانا ممكن اايد كلامك انه بحكم السن انها فاقده شي وتبي تعوضه

ولكن يااختي ذا الانسان مش من الشباب الي يصفف كلااام

ولا يتغزل بالكلاام ولا يحاول يغرقها بعواطفه

اقول لك انه جاف ,, قاسي ,,

وش معناة انسان يغيب ويترك حبيته شهور ويرجع ؟؟ !!!

يعني لو انه عكس كذا

كان قلت بعذرها ,, ماتنلام

بس هي خلاااص تعلقت بجنون فيه

ولاتقولون مافيه قدامها غيره ,, لا والله

صاحبتي رائعه شكلا ومضمونا .. ولى تبي بدلته بغيره

غربة الروح >> اشكر مرورك ودعائك الجميل

والله يااختي دايم اقول لها اذا رجع لاترجعين له بسهوله خليه يحس اشويه بالي يسويه

بس والله اني ارحمها وارحم ضعفها قدام ذا الشخص

منصور >> مشكور يامشرفناا

والله يسمع منك ويصلح امور بناتنا وشبابنا

لانه فعلا الفساد انتشر بشكل مخزي

[مطفي النور]

بسم الله الرحمن الرحيم

تبي الصراحه اسئل الله العضيم ان يستر نا ويستر بنات المسلمين فوق الارض وتحت الارض ويوم العرض انه سميع عليم ياخي قلها خليه يجي يدق الباب ويخطبك
بدال الدردشه اخر اليل وقفل الموضوع از بتساعدها من جد
مع تحيات مطفي النور

[بنت الريف]

انا على بالي انتهى الحب الكتروني من النت

[ود الورد]

صبااح الخيير

جايتكم وكلي ألم وشجون

من اسبوعين كنت مسافره ..ولما رجعت

فقدت صاحبتي صاحبة المشكله

..فقلت يمكن ذا الإنسان مشغلهاا ..

..فستغربت عدم اتصالها وسؤالهاا

فتصلت انا على جوالها ,, ماترد

اتصلت عالثابت ..قالو لي مريضه وكل بغرفتها

رحت ازورها ....

الا ويلاااااااه

البنت بدر من الأقمار الي شافتها عيوني

وويلاااااااه من الي شفته

ماشفت الا إنسانه منهاره .. شاحبه,, حبوب بوجها ( علما انها مثال للبشره الصافيه النديه )

...مريضه البنت صارلها اسبوع ..وكل يومين يودونها المستشفى يركبون عليها المغذي

.وياعيني مادريت عنهاااا ...والله انها ماتستاهل الي يصير لهااا

.. البنت صاحبها لما رجع جلس اسبوع وبعدها غااب

!!!!!!!!!!!!!!!!!!!!!

خلونا الحين من اللوم و .....و......

لأنه نفس الكلاام هيتكرر ...

لكن صدقوني الموضوع اكبر واقوى من الكلااام والحلول العشوائيه

وسهل جدا نقول خل تنساااه ,, خل تتركه

بس الواقع ,و اللي يده بنار


بس انا كشاهد عيان للي يصير

ودي شباب اللي يردوون على تساؤلاااتي


يعني انسان يدخل بعلاقه مع بنت ويغيب

ليه يغيب ؟

ليه يقول لها انا احبك .. ويغيب ؟

طبعا هو اذا غاب يقطع كل وسائل الوصول له ..

..عارفه بتقولون ..انه لعاب ..وكذاب ...

طيب اذا هو لعاب وكذاب وشاف انه هالبنت مش على مزاجه وغاب

ليه يرجع ؟؟؟ !!!!

اول مره غاب ورجع ,, وعذره انه صاحبه توفى

ثاني مره غاب شهرين ورجع ,, وعذره انه عشان يهرب من حبها وكان يبي ينساها

..في هذي الرجعه .. كان يقول لها انها حب حياته ولا راح يبتعد

وغااب من جديد ؟؟

ليييه ؟؟ ابي الرجال يجاوبوني لانهم هيفهمون له

انا قدام صاحبتي اصبرها ,,ولا ابي ازيد عذابها

بس من جواتي حييره ,,

ليه يغيب ويرجع ؟؟ ليه ؟؟ وش ممكن يكون السبب ؟؟ علما انه عارف وواثق من حبها له

..والله العالم بالوضع حال البنت صعب جدا ,, وصلت لمرحله مقدر اقول لها انساه

..اكوون قاسيه وبلا رحمه لو اقول لها انسااه

اساسا اخدع نفسي بهالكلمه ,,لأني عارفه ماراح تنساه ,, عايش فيها

... صراحه الحب شي صعب مررره.. وحال المحبين ينرحم

انا اول مره اعيش تجربة عذاب الحب ,كل الي شفتهم حب هادئ ومتفاهمين

ولكن هالإنسانه ..طاحت مع واحد ,,عذبهاا عذاب شربها كاس المر

انا وربي لو اعرف له طريق .. كان جبته لهااا.. وقلت له شف وش سويت فيهاا

البنت وكأنها تمشي على طريق المووت البطئ ..حالها يتدهور بالتدريج

والله انا ماظنيت ولا تخيلت انه القصه توصل الى هالدرجه

كنت فاكره مع اول غياب ..وبعد تدهور احوالها ..انه خلاااص انتهى

ولا ظنيت صراحه انه يرجع ...

بس ليه يغيب ويرجع ؟؟؟ !!!!

ابلييييز يالشباب جاوبوني انتظركم