[poem=font="Simplified Arabic,5,white,bold,normal" bkcolor="burlywood" bkimage="" border="double,9,sienna" type=2 line=0 align=center use=ex num="0,black"]
الا يا طير وش لك بالحمام اللي سهل ينصاد =ابيك تدوّر طويرٍ على طيوري يدزّونه
شغل فكري وخلاني سهير الليل دون ارقاد = ينوح ولا بدا نور الفجر غيّر من لحونه
ينادي كود تطلع له عصافير الهوى تنقاد= يعلمها على الالحان ويسحرها بمكنونه
يمشّيها على كيفه على فكره على الميعاد = وإذا من تسمع لهرجه يثير الشك مضمونه
يمنّيها تصير صقور وتبني في السراب امجاد= وتهاجم من يعارضها تحسب الشر بعيونه
انا ما همّني نوح القماري صرت له معتاد= أبي من علمّه يرطن وابفهم من يغذّونه
الا يا طير لو تلقاه قل له يفهـم الابعاد = ويترك دارنا تامن ولا نحتاج له عونه
كفانا من الزمن غبنه كفانا كثرة الحسّاد = كفانا مجدنا الضايع هدمنا عالي احصونه
على اسبابه تفرقنا وصرنا بالجهل اضداد = شيع واحزاب تتصارع وكلٍ حط قانونه
بلا استقرار ما ننهض من الطيحه بقاع الواد = ولا نقدر نقاوم سيل هذا الوقت ومزونه
تكاتفنا يحل اشكالنا كانه يبي الارشاد = غني القوم لو يكفل فقيرٍ راحت اديونه
وشبابٍ عاطلٍ يلقى العمل لو صار له إعداد = لشغلٍ يمسكه وافد ولا يحتاج للشونه
ولا يا طيور عميانه تركتوا سيرة الاجداد= ومشيتوا درب باسبابه فرح بوش وشارونه
عطيتوهم عذر ندخل متاهات الزمن افراد = وطعنتوا قلبنا المثخن بجراح الوقت وطعونه
تجيزوا قتلة المسلم وتسعوا في الأرض بافساد= فوين الدين لو كنتوا تعرفوا بعض مضمونه؟
تناقض واضح في الفكر والأعمال والإسناد = تعيشوا شبه غيبوبه ودرب الشر تمشونه
جميع الشعب متنبّه ويدري فعلكم الحاد = وخدمه للمعادي كان ما في يوم تدرونه
وإذا ما تعرفوا فانتم ضحايا لعبة الموساد = توجّهكم لضرب الدين واهله كيف ترضونه؟[/poem]
رد مع اقتباس
