السلام عليكم ورحمة الله وبركاته ..
إخواني أعضاء غرابيل .. ومنتدى الشعر خاصة ... تحية طيبة
لم أتمالك نفسي أمام إبداعات كبار الشعراء والشاعرات هنا .. فأحببت أن أهديكم هذه القصيدة .. مع يقيني بأنها لن تصل لمستوى ما تطرحونه من درر ..
إليكم القصيدة المتواضعة ..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كان تبغانا نتحاسب في الوفا والا التجافي =بجمع اللي بجمعه وانت اطرح اللي تطرحه
يا مليح الوصف قلبي صاح لك اليوم كافي =طبعك اللي ما تغير لا تحاول تملحه
لا تحاول تستثير الشعر من قلب السنافي =ولا تجيب اللي يذله قصدك الا تذبحه
قبل تعطيني اعترافك سجّل الحين اعترافي = ما خلق من هو يهين القلب والا يجرحه
وين تلقى لك عشيرٍ مع صروف الوقت وافي = وين تلقى لك خفوقٍ كل ذنبٍ يدمحه
الغلا والحب وشعور الموّلع وانشغافي = سقتها لاجلك ولكن صد قلبك ,, ما ابجحه !!
والله إني ما انتظرت الحب منّك شئ ضافي = ( فاقد الشئ مستحيل إنه يفكّر يمنحه )
ووالله إني ما انتظرتك يوم تمدح لي القوافي =ما كتبت الشعر لاجل اشوف من هو يمدحه
الشعر فيني مشاعر واكتبه من شئ خافي = والشعر أرض السلام اللي تدوس الاسلحه
انتهت لعبة غرامك ما بها وقتٍ اضافي =لا حبست الطير قل لي وش تفيد الاجنحه ؟!
لا تقول إن المحبة عقدها عقد احترافي = المحبه صدق وانته كل همك تمسحه
لو فهمت الدرس الأول ما مشيت الدرب حافي = عذرك اللي صرت اعرفه لا تعوّد تشرحه
لا تركتك فاعرف إني قلت للفرقا عوافي = ولا خسرت رضاك قل لي من يفكّر يربحه ؟!!
( الوداع ) اليوم واجب والفكر هالحين صافي =وإن حكي لساني خطيّة ,, قبل أنا أسافر بحه
[/poem]
شعر : سهم المنايا
تحياتي
رد مع اقتباس
