[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا ضاقت الدنيا علي وسط عيني=تجبرني همومي لنظـم القصيـده
أفكاري اللي من همومي تجينـي=أجيب أنا معهـا قصيـدة جديـده
ينطق لساني ثـم تكتـب يمينـي=من قلب حبك ساكنٍ فـي وريـده
اكذب واقول إن خافقك ما يبينـي=واسهر على مرّ الليالـي وحيـده
ما أبي غرامك يشعل الشوق فيني=الشوق يجرح والمفـارق يزيـده
واكذب على نفسي واكذّب حنيني=واقول أنـت بعيـد وأنـا بعيـده
وأنا أدري إنّك يا حياتي ضنينـي=وأنّك بعد كـل الحيـاة السعيـده
يا اللي معك زانت ليالي سنينـي=يا فرحة الخفّاق يـا يـوم عيـده
لا ما يضيق الكون في وسط عيني=دامك معي يا نبض روح القصيده
[/poem]
رد مع اقتباس
