من باب ماظهر من الراس أوحوه الناس يطيب لي أن أقدم لكم هذه المشاركه وعسانا نتجمل
عزيزي قارئ هذه القصيده ... أمامك خيارين لقرائتها
إما أن تقرأها بشكل نص
وإما أن تلحنها على لحن أغنية راشد الماجد
ودي أبكي لين مايبقى دموع
.........ودي أشكي لين مايبقى كلام
وهذا هو الافضل.. عشان تحس بمعانات القصيده وتعيش جوها
عالعموم ماودي أطول عليكم اقروها زي ماتبون
وهذي هي القصيده......
[poem=font="Traditional Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ودي أعْرس بس ماعندي فلوس=ومن يقول الحب تاليته زواج
ودي ودي لكن الحاله يؤوس=لاضمان ولامناخ ولاخراج
لَقـْبل الصيف وتنادوا للعْروس=صابني حاجه تحوس أم المزاج
حاجتن تحوس لي الاخلاق حوس=ماعرفت إلها سبب ولا علاج
حاجتن في مبتداها من هجوس=تنتهي لاوين؟مدري! الاخ ساج
مرّتن أبكي ومرَاتن عبوس=ومرّتن لاوالله أفل الحجاج
ومرّتن تقول مضروبن بقوس=راعتن أحيان تدّي لإرتجاج
واكثر الاحيان آكابر وادوس=رغبتي بإرادتي خوف العواج
هيْ نفس أو هيّ...والظاهر نفوس=شي صاب وشي أُزهق بابتهاج
هي قضية شعب وقضاته جلوس=همهم ترقيع شغل المونتاج
يامعلم هات للحلاق موس=ثم بعدها بكيفك تسوي احتجاج
لاتسوي فاهم بزين اللبوس=تنتقد ماتنتقد خايب وداج
إبدويّن ضمن تصنيف الطعوس= يامقوّلْت الحكي أنتم زجاج
أعرف الصدقان واعرف للنجوس=قلبي أبيض مار بعض احيان صاج
ياعذابي وش بلا حظي عكوس=كن بيني وبين أفراحي سياج
لامتى ياوقت تهمدني الشموس=ون لقيت ظلال ولـْينّه عجاج
لامتى وانا فالاحزان إمحبوس=وعن قراح المي مايغني الهماج
والقضيه كلبوها فالفلوس=ليت بس الحب مهرن للزواج[/poem]
عزيزي القارئ ...ههههههه...أزعجتك عزيزي القارئ عزيزي القارئ
المهم لاتحزن..هههههه...شفني أعاني واضحك
رد مع اقتباس
[/align]
