[CENTER]
في جليد الوقت قلبي يالغـلا حـن لدفـاك
يشتكي برد المشاعر وجمر بعدك مشعلـه
مايذوب الثلج فيني غير من همسة شفـاك
ثلج قلبي جمر بيدك وانت حـل المعضلـه
ذاب صمتك في جنوني جدد العهد لهـواك
نظره وحده من عيونك حل كـل الاسئلـه
فاض صبري من حنيني واشتعل فيني غلاك
حمل الخافق بحملن فـوق ماقـدر احملـه
انقضى عمري دخيلك وانا كلي في رجـاك
وخوف قلبي بعد صبري قربكـم ماحصلـه
مزعله كل من نصاني وطامعه بس برضاك
وصدكم عني كواني ودمـع عينـي سيلـه
تايهه في بحر حزني وانت سابح في هناك
هايمه في ليل ودك وفي سـراب الاخيلـه
انكسر فيني شموخي وانت ممعن في جفاك
وانطفت شمعة خفوقي والهمـوم مجلجلـه
قلي لو ناوي فراقي مين يفهمنـي سـواك
وين احصل مثل قلبك وكيف عمري اكملـه
كيف انسى حلم عمري يالي واتاني معـاك
مااظن العيش بعـدك ياحبيبـي استحملـه
منقول لجمال الكلمه المكتوبه [/CENTER]
رد مع اقتباس
