فقط لنصراويين ( الله يستر وش كاتب لهم الغريب ذا المرة ) ؟؟؟؟؟!!

[عـادل التميمي]

السلام عليكم ورحمة الله وبركاته


نظراً لما يعانية نادي النصر السعودي من تذبذب في المستوى

وتحقيق رقم قياسي جديد ( 6 ) وهو رقم مميز لنادي النصر

لأن هذة السنة رقم 6 التي لم يحقق نادي النصر أي بطولة

كذالك سجل في مرماة 6 أهداف في مباراة واحد :o :o

وأنا بصراحة زعلت كم نصراوي معنا في المنتدى :تصفير:

عشان كذا قررت أنا ( الغريب الهلالي المتعصب )

أهديكم موقع للاعب البارز في نادي النصر

عبدالرحمن البيشي




وهذا الرابط للموقع

http://www.albishe10.com

إن شاء الله ينال إعجابكم و رضاكم ;)


أخوكم الغريب إلي على قولتكم ( الهلالي المتعصب )

[الصويب]

الغريب


هذا نجم من نجوم العالمي



الاباتشي


ولكن نريد موقع نجوم الزعيق

النزهان
خالدعزيز
محمدالعنزى

00000000لاتعليق؟؟؟؟؟؟؟؟؟؟؟؟؟؟ ؟





ل

[الأميرة الناعمة]

ياهوووووووو على الانسان الرهيب

ايه ورهم ان الهلاليين يبقون طيبين و حبوبين << يا ويلها من النصراويين

كلهم نجوم و كلهم كبار بس لو نبعد الحزازيات عنا :تصفير:

[سيف العز]

[align=center]



هذه جماهير الهلال .. ولاكن جماهير النصر .. دعوه على مجاراة

الانديه الكبرى فقط بالكلام .. وكل ماراحوا وجوا قالوا عالمي ..

لحول ولاقوة الا بالله .. [/align]

[خــــالـــــد]

حلو .. موقع البيشي ..

اقول الصويب ... بصراحة هل أنت مصدق إن النصر عالمي ؟؟؟ قلت لك بصرااحة

أخوي الغريب مشكور على الموقع .. فمن حق أي لاعب أن يضع له موقعاً شخصياً


غريبة :(





تحياتي

[عـادل التميمي]

الصويب !!

أول شيء أنا هلالي وكاتب موضوع لكل نصراوي

مع العلم بأني هلالي والمفروض بما إنك نصراوي

تنزل موضوع للهلال

إلا على فكرة وش سالفتكم مع العالمي ؟؟

مسمى بطولة خذتوا فيها المركز ((( السادس ))) يعني رقم 6 وهذا الرقم مب غريب علي:بفكر:

طيب وش معنى الزعيق ( يعني على أي أساس تسمون الهلال بهذا الأسم ) ؟

لكن العالمي = الحالمي معقولة

وأنا راح أثبت لك

تتذكر البطولة العربية ؟

تتذكر صك ( أبو خمسين سنه ) ؟

تتذكر من حقق البطولة مع إنكم تصرحون بأنكم سترفعون الكأس

وألحين صار العالمي حالمي ( يحلم بالبطولات من ست سنوات )

أما سالفة الزعيق بصراحة ما فيه أعلا من صوت الرمز ( مع إحترامي لبقية الأندية )

على فكرة يقولون عن الهلال نادي الزعيق

ويقولون عن نادي النصر النادي الحالمي + الفقراء + فريق الطفايات

وأنا أقول متى ما أخذتوا كأس تعال تكلم عن الهلال

----------------

بالنسبة لمواقع محمد العنزي + النزهان + خالد عزيز

بصراحة ما يستحقون يلعبون فـ كيف تبغى لهم مواقع :تصفير:

على العموم وش أخبار ماطر ( الله يذكرة بالخير ) ؟؟

وش بعد أية وش أخبار النكبة ( الحلوي ) :o

على العموم أعود وأقول يحق لك أن تفتخر بالعالمي ولكن لا تسيء للأخرين

على فكرة أنت أحد جماهير العالمي ( وردك ) يثبت مرحلة وصل لها جمهور النصر

وهي الهجوم حتى لو كان الموضوع ( لهم ويخصهم وحدهم )

تحياتي لك

الغريب

[مفرح بن مناحي]

الصويب

الغريب يا اخي مدري ليه احس انك تكتب وانت في مطبخ خخخخخخخخخخخ

تدري ليه الاحساس هذا .. لأن اي رد من واحد نصراوي يستفزك على طوووووووول .. في بداية كتابتك كنت نوعا ما حيادي .. ثم صرت تكتب بقلم ازرق يمكن علشان ما فيه حبر أصفر :(

أتمنى إنك تراجع إسلوبك في التهجم على العالمي ... وهو ( عالمي فعلااا ) فشرف المشاركة حتى وإن حقق الأخير يبقى محفوظاً له .. ( لاحظ إن من إنجازات السعودية التأهل لكأس العالم ثلاث مرات .. التأهل مهوب الفوز بكأس العالم .. حتى إن بعض اللاعبين مثل سامي والعويران وفؤاد من إنجازاتهم المشاركة في كأس العالم .. إذن النصر عالمي ) ...
ثم إن النصر لم يحقق المركز الأخير .. ارجع لجدول البطولة يا كابتن الغريب !!

النصر في بطولة العالم .. حقق التالي ( أول هدف عربي وآسيوي في بطولة العالم .. أول انتصار عربي آسيوي في بطولة العالم .. كأس اللعب النظيف .. اختيار ثلاث لاعبين في منتخب العالم ) ... وش تبوووووون بعد ؟!!

النصر ابتعد عن البطولات نعم .. ولكن غيره جاوز العقد ولم يحقق شيئاً ..

أشكرك على موقع الكابتن عبدالرحمن البيشي .. لأنه بالفعل يستاهل .. وهدفه الأخير في الهلال يثبت مهارته ( لا تقول لي بعد ليه تقحم الهلال .. الهدف مسكت )

تحياتي

وعلى البطولات نلتقي

سهم المنايا

[{gJJIرد}{gJبـg}]

بالنسبه للورد انا اميل للنصر ولو انى ماتابع كوره كثير ... لكن لقافتى خلتنى ارد...
:p

وانا مع اللي يشجع النصر ...

[الجادل]

وأرجع لاتناعيد وازيد

لا تنس زياره جناح النصر في مهرجان الجنادريه

حيث يتم عرض اخر كأس حصل عليه

ايوه محد قدكم طلعتوا في الجنادريه :D :p

[بحار الخليج]

يسلموووووووووو الغريب

[عـادل التميمي]

حيالله سهم المنايا ( ياخي أحس إني من زمااااااااااان ما شفتك ما أدري ليه )

بس بصراحة لك وحشة يا ولد :اموه:

طيب حبيبي سهم النايا

أنا قلت شيء غلط ؟؟؟

بالعكس والله أنا أستغربت رد الصويب

ألحين متعب نفسي عشانكم ( يالنصراوييييييييييية )

وأخرتها تقولون ( محمد النزهان ....... إلخ من الآسماء ؟؟

على العموم الصويب ضايق صدرة شوي وشكل أخوياة رافعين ضغطة وجاي يبرد أعصابة علي :(

طيب

نرجع لك يا سهم المنايا

وسالفة مشاركتكم ( العالمية )

للأسف من يوم ما شاركتوا وأنتم مزعجينا وأخرتها ((( ست سنوات ))) ما شفناكم رافعين كأس

على العموم ما فيه أحد سلبكم حقكم في تشريف السعودية (( يعني أنت شايفني قايل إنكم فشلتونا )) ؟

على فكرة هدف البيشي في الهلال (( مسكت )) وأحلى ما فيه سحبت المفرج :برافو:


تحياتي لك


أخوك الغريب

[عـادل التميمي]

يا لورد أنت تعرف النصر زين ؟؟؟؟

على العموم بما إنك تقول إنك ملقوف


فالله يعينك على لقافتك :)


تحياتي لك وحياك بينا

أخوك الغريب ( الهلالي )

[عـادل التميمي]

الجادل


من جد مالك داعي :o




ليه كذا



بصراحة تمددت ضحك


قوي ردك


أنتي ما تدري إن النصراويين ( عندهم إنهيار عصبي ومن أقل شيء يولعوا ) :تصفير:


تحياتي لك :D :D (( الله يرجك دموعي نزلت من الضحك ))


أخوك الغريب

[عـادل التميمي]

بحار الخليج :اموه:

الله يسلمك من كل شر يا رب

وشكراً للحضور الرائع


أخوك الغريب

[يزيد]

الغريب

يعطيك العافيه . . . . وتسلم على الموقع

وبصراحه مشاركه جداً غريبه ( هلالي وتشارك بأسم النصر )

عموماً تشكر الف شكر لروحك الرياضيه

واتمنى من احد مشجعي العالمي أن يحذو حذوكم ويشارك بأسم الهلال

وبهذه الطريقه قد تخف حدة التعصب وأيضاً تتلاشي العبارات السيئه التي تطلق

على الاعضاء جزافاً وبدون تركيز وأتمنى ممن يجرحون في بعضهم البعض أن

يطلق العباره على نفسه قبل كتابتها في مشاركته فأن وجدها جيدة وقبلها على

نفسه فهو لا يستحق أن يجد أي احترام من الآخرين .

علماً أن العبارات السيئه والتهجم على الاعضاء يحد من مشاركاتهم وتعليقاتهم.



والمنتدى الرياضي منكم ولكم . . . . ويجب أن تسوده الروح الرياضيه

تحياتي للجميع

يزيد