[align=center]السلام عليكم ورحمة الله وبركاته
قصيده من الجديد
متواضعه وخجوله جدا اقبلوها بين روائعكم وابداعاتكم ....
,
’
’
’
[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حارت بي الافكار ولعينك بذلت المستحيل = وعسفت لجلك من جزيلات البيوت اجدادها
واهديت لك در القصيد امن المنقا والجزيل = واشغلت لعيونك جميع الناس في مرقادها
آجر صوتي من عنا الايام والدرب الطويل = اللي يطول اليا بغت نفسي تطول امرادها
يابو العيون الناعسات السود والرمش الكحيل = يامن عيوني في غرامك زاد منك سهادها
الها زمانٍ في مزونك يابعد حالي تخيل = كن البروق تلوح لي ويدن لي رعادها
الطف بحالي لاتزود الحمل بالحمل الثقيل = اهل الوفاء لاواعدت مايختلف ميعادها
لكنّ ياحسبي عليك الله ويانعم الوكيل = ياللي تقول انك على الجمّه وانا ورادها
سجيت رجلي في دروب العسر واعلنت الرحيل = وحطيت من فوق المطيه خرجها وشدادها
مادمت انا جمّالها وباقي معي حيله وحيل = والله لاوردها على عدٍ ماهو ميرادها
مير احتزم ياصبر انا وياك والجمر المليل = ان مابدى برهانها ولا قدحت زنادها
لكن الك عاده معي فالوقت يالحظ البخيل = الله حسيبك فالسماء من عادةٍ تعتادها
ولاانت يالغالي يابو خشمٍ كما حد الصقيل = ياللي عيونك عذرها لاسلهمت حسّادها
يااكبر سعاده في صميم الروح ياكل الحصيل = ياواحدٍ نفسي بشوفه تستعيد اعيادها
يالمترف اللي ماولد مثلك شبيه ولامثيل = ياللي على دربك عصير اوادمٍ تقتادها
تاخذني الدنيا وترجعني ولاغيرك بديل = بيني وبينك مثلما المياسه ومقدادها
آمر تدلل والغرام اللي بدابك مايميل = العاطفه نادتك باحساس العواطف نادها
كتبت لك اعذب بيوت الشعر يالطرف الكحيل = تفداك عذبات البيوت اجزالها وجدادها
[/poem]
.
.
وســــلامتكم..[/align]