مساء الخير
للتواصل
معكم
استلموووووو
[poem=font="simplified Arabic,5,white,normal,normal" Bkcolor="black" Bkimage="" Border="none,4,gray" Type=2 Line=0 Align=center Use=ex Num="0,black"]
ياملاك الحسن ليش انته ظلوم =وانت بدراً طلتك تجلى الظلام
ياحسين الوصف يالترف النعوم= اقتحمك الشعر يازين اقتحام
ارحم اللي في محبتك أمغروم =من لمحك وهو معك رايح عدام
من لمحك وهو ماهو عارف ينوم=وبعد شوفك ماتهنى باالمنام
جعل حظن منت حظه مايقوم= لن حظن منت له حظن حرام
لن وصفك فاالبشر شبه معدوم=والقصايد فيك تلقى الانسجام
صاحبك ياصاحبي من روس قوم=من رياجيلٍ رفيعين المقام
والله انه من صناديد وقروم=أبدوين من جويدين الحزام
من رجال صيتهم فوق النجوم=يشهد التاريخ لفعول الكرام
ويعرف الطيب بحزات اللزوم=والردي فالواجبه ماله عظام
لويقول اني شجاع يجيه يوم=ويعرف انه ماهو بقد الكلام
الرخوم من الأساس اصلٍ رخوم =طبعهم مشي الردى دوم الدوام
والصقور اصقور يوم الحوم حوم=تعتلي ماهي كما طيور الرخام
ماتوقع غير في عال الحزوم=ولاتخفي روسها مثل النعام
وانت من يعشقك ما يلحقه لوم=نعنبو من فيك يلحقني ملام
والوفاء معاد باقيله رسوم =مابقيله فالحبايب لو جرام
وصاحبك فالعشق مايعرف يسوم=والهواء ياصاحبي ماله نظام
يغرق اللي فيه مايعرف يعوم=مثل ماني غارق أبحر الغرام
لاتشره يالحبيب ولا تلوم=مايطول المرجله غير العظام
والبلد ممن وبالدين امحكوم=حاكمينه بالشريعه والحسام
عاش ابو متعب لنا جعله يدوم=جعل ربي يحفظه ميتين عام
وانت عن فعل الخطاء ظبي امحشوم= لاتجنني بحلو الابتسام
انتشلني ياجميل من الهموم=واترك الباقي ولاتشيل اهتمام
شوف حالي كيف فاالعشق محروم =عايش في عالمٍ كله عسام
ياعسى طلتك ياحلوه تدوم=وسلمي لي فوق نفسك والسلام
[/poem]
وسلمي لي فوق نفسك والسلام
رد مع اقتباس
المشاركة الأصلية كتبت بواسطة كايدتهم
