تقهوىَ على جمر العتب دلة صفرىَ
............ تحمّض علومي وانت حمّضني علومك
مَدام الصراحة بيننا بكرة عفرا
.......... إذا خطيت قومني وإذا خطيت بالومك
من الّي جنح لوحة علىَ موجة الإغرا
............. بعد مارفعت شراعك الّي دفع بومك
تقدم معاذيرك ونا خافقي ازرا
.............. قبول العذار الّي تناقض زبد عومك
من شهور سيلك ماحدر لي معَ المجرى
......... وانا استبرق قنوفك ؛ ولا تمطر غيومك
إذا إنك تشوف أوضاعنا جلسة إستقرا
............. تضيع الحقايق قبل لا تنفض هدومك
تظاهر بجهلك وانت في الخافية ادرىَ
............... تبيها عليّ تمشي وانا قول ياقومك
تكاثر نجوم الليل في الليلة الغدرا
.............. وانا ماسريت بليلة البرد منجومك
إذا كانها تاقف على ليلة المسرا
......... فنا لي مساري يوم طرفك شرب نومك
تسمّع كلام الّي بعدغيبتي هذرىَ
................ وأنا كل همي نفح فُلك ويشمومك
ترازم مشاعر خافقي في يدك أمرىَ
............. تعاطف عليك الدّر من يومها يومك
ولاكنك الّي غاص في غبةٍ قشرىَ !
........... نكص واقعك ما ناش ريحانة حلومك
تصفق يمينك بس ماعندها يسرىَ
............... إذا ماقبلت السوق ماغيّره سومك
إذا انت لا قيصر ولا حضرتك كسرىّ
.............. فلاهي غريبة لا تثنت بك سهومك
تبي فكرةٍ عندي على مسمعك عذرىَ ؟
........ ترجع لي حقوقي وانا عطيك مقسومك
رد مع اقتباس
-new.gif)
