[glow1=000000]مساكم كادي[/glow1]
مجرد فكره
[poem=font="Simplified Arabic,6,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
لا واللي ذي صوّرك ما ابكي على غيبتَك = أبكي على حالي اللي هـدّه البعـد هَـدّ
ضيعت عمري وانا اللي في رجا طيبتَك = لوكنت ناديت صخر بلهفتـي كـان رَدّ
إلي متـى والمشاعـر تنتخـي شيمتَـك = والى متى كل ما روّضت فكـري شـرد
اسرح ونا بين ربعي وحلـم بصورتَـك = ولا جيت انادي خويي قلت له يا (شهَـد)
يضحك على زلّتـي ويقـول ياخيبتَِـك = با لله خلّك معي صحصح تراني حمَـد
مصيبتي ماقـدرت انسـاك ومصيبتَـك = يهديك قلبي غلا نبضـه وتهديـه صَـد
للحيـن تسكـن شراينـه ولـك هيبتَـك = تفضح ملامح عيوني لهفتـه لـو جحَـد
بس انت شكاك واللـي ضيعـك ريبتَـك = لو كنت صدقتنـي ماكـن شوقـك بـرد
ما كنت من غير ذنب أدفع ثمن حيرتًـك = و ماكان شفت الدموع اللي بعينـي أبـد
خلاص بمسح دموعي وان طرو سيرتَك = والدمع عانق رموش قلـت هـذا رمَـد [/poem]