المشاركة الأصلية كتبت بواسطة ناصر الجهني
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
فى الحلم شفت البارح اللـي زاد بتعبـه اتعبـي=شفته على هيئة رجل مشلـول وانهكـه التعـب
الشعر شفته مقبل البـارح وهـو يحبـي حبـي=وانـا الحقيقـه ماعرفتـه غيـر لامنـه قـرب
واشوفني واقف ماغيـر اردد ارحـب ياصبـي=وكنه يرد بصوت منهـك ويـن فكـاك النشـب
قلت اذكر الله يارجل وابشـر بعـزك وش تبـي=انا لهـا حتـى لـو ان الـدم ياصـل للركـب
قال استمع قدام اصير الضيـف وانـت معزبـي=قلـت استمـع للـي تقـول ولاتـردد بالطلـب
قال انت اكيد تريد تعرف ليش مرخـي منكبـي=وهالحين ياناصر يجيك العلـم وتعـرف السبـب
في شاطئ الراحـه فقـدت لكبريائـي وانسبـي=واصبحـت لاعـزه ولاصحـه ولاحتـى نسـب
الجاهلين لقيمتـي قامـوا علـى حلـق اشنبـي=امام كل الناس بابشع وضع صرت بـلا شنـب
واليوم مكسور الظهر وازحف على روس اركبي=ووصيتي بيتين تنشرهـن علـى كـل العـرب
وفيما يلي هـاك الطلـب بوصايتـي ياليعربـي=ولامن حفظت وصايتي جهز لحـودي والنصـب
انا اشهد ان اللي يقول ان الشعر فـى ابوظبـي=ولايرئ فـي شاعـر المليـون نقلـه لـلادب
امـا يكـون انسـان بالتاكيـد معتـوه وغبـي=والا يكون انسان واحد مـن فيوزاتـه ضـرب
انا الحقيقه موطنـي موطـن ولـد فيـه النبـي=واسمي بسوق عكاظ سجلته وبااحرف من ذهب
انا افخر اني من بـلاد يقودهـا الحـر الابـي=راس الملوك اللي يظلـي راس مايرجـع ذنـب
لاصرت خارج دار ابو متعـب بلاشـك اجنبـي=واحس بالغربه واشوف ان الفرح عنـي غـرب
واخر كلام انا لسـوق عكـاظ يرجـع منسبـي=هذا الصحيح ومن يقول اخـلاف ماقلتـه كـذب
وصحيت وانا اصرخ واقول تعيش والموت ايهبي=تعيش يالسان العـرب تعيـش ديـوان العـرب
والان صارت واضحـه ماعـاد فيهـا مختبـي=لازم تكون مقاطعتنـا رد عـن حجـم الغضـب
اصلا مايوجد مع مـدورت المكاسـب مكسبـي=وقولو لمن عنده امل في يوم حامـض ياعنـب
بمقاطعتكـم عمرهـم مايطلـعـون المرقـبـي=واللي يبي يبرك بوسط الجرب جعلـه بالجـرب [/poem]
[align=center]الشاعر ناصر بن عليثه الجهني[/align]
[/align]
رد مع اقتباس
