السلام عليكم ورحمة الله وبركاته
كل عام والجميع بخير
جديده لعيونكم .
[poem=font="Simplified Arabic,5,darkblue,normal,normal" bkcolor="transparent" bkimage="" border="ridge,4,gray" type=1 line=0 align=center use=ex num="0,black"]
ماخطر في خاطري لو اربعة فالميه =انتظرها واحترق بالهم يومٍ ثاني
ماتوقعت المها تسوي كذيا فيه = دام تعرف من سببها ويش كثر أعاني
القلم معطيه فيها مطلق الحرية = ودي اقرا وصفها فيما حوى ديواني
واذكر ان الحبر مره جف لابو حيه = ومن غلاي الها استبحت الدم من شرياني
يمكن اظلمها ليا قلت انها حوريه = وانبسط لاقمت اجر بوصفها الألحاني
في قصيدي لأسمها لو دققوا ماريه = مثل وضحى في قصايد نمر بن عدواني
بس اشوف الزين مابدى كامل الحنيه = لوّ قلبه نابضٍ بالحب كان اغراني
ماطلبنا منه لارحمه ولاماويه = بس يجزي راعي الاحسان بالاحساني
يفترض قلبٍ يحبك ماتجيه الكيه = اخذ من ياخذك فالأحضان بالأحضاني
لاتناوش من مسافه والذخيره حيه = اعلن اللي في ظميرك بالفم الملياني
بالفم المليان قلها كان مالك نيه = والله يسهل عليك اللي حصل كفاني [/poem]
رد مع اقتباس
-new.gif)
